[Gp1]ဂန်းဆက်စ်လုပ်ရန် ဇာတ်လိုက်Gongများကို ခိုးယူခြင်း:
Chapter 9 (arc2)
Chapter ( 9 )
[ စိတ်ရှုပ်စရာကောင်းသော တတိယလူ ]
ကျီကျန်းချင်သည် ရုံးခန်းတံခါးအား ဖွင့်ကာ စားပွဲဆီသို့ လျှောက်သွားလိုက်သည်။ သူသည် အံဆွဲအား ဖွင့်လိုက်ပြီး မျက်မှန်အပိုအား ထုတ်ကာ တပ်လိုက်သည်။
ချီယူသည် ပိုင်ရှင်မှ ပြောသည်ကိုမစောင့်ဘဲ ဆိုဖာပေါ် တန်း၀င်ထိုင်လိုက်၏။ လေယာဉ်ပေါ်မှ ဆင်းဆင်းချင်း ဆေးရုံသို့ လာခဲ့ရသည့်အတွက် အနက်ရောင်ကုတ်အင်္ကျီ၊ လည်သာရှုးနှင့် ၀တ်စုံပြည့်အား ၀တ်စားထား၏။ သူ့လက်တွင်မူ လက်ကိုင်ပဝါကို ကိုင်ထားပြီး ကုတ်ပေါ်၌ တင်နေခဲ့သော သုတ်ရည်တို့အား သုတ်နေခဲ့သည်။
ကံကောင်း၍ နေ့လည်ထမင်းစားချိန် ဖြစ်နေသဖြင့် ဆေးရုံမှာ တိတ်ဆိတ်နေခဲ့ပြီး ဘေးပတ်လည်တွင် လူများမရှိနေခဲ့ချေ။ ထန်ထန်၏ လူနာခန်းမှာ ရုပ်ပိုင်းဆိုင်ရာအထူးကုသူ ကျီကျန်းချင်၏ ရုံးခန်းနားတွင် ရှိနေသဖြင့်ထမင်းစားပြီး လူတိုင်း အလုပ်ပြန်လုပ်ချိန်တွင်သာ ဖြစ်နေခဲ့ပါက ချီယူသည် အလုပ်ခရီးမှ ပြန်လာပြီး ညစ်ညမ်းသော လုပ်ရပ်တို့အား တစ်စုံတစ်ယောက်နှင့်အတူ လူနာခန်းတွင် လုပ်ခဲ့ပါကြောင်း လူတိုင်း သိသွားနိုင်သည်ပင်။
ထိုသည်အားတွေးလိုက်မိသည့် ချီယူ၏ မျက်နှာမှာ ပိုလို့ကာ မည်းမှောင်လာတော့၏။ သူသည် အ၀တ်ပေါ်မှ ချိုမြိန်လှသော အရည်ဖြူတို့အား လက်လှမ်းကာ သုတ်ပြစ်လိုက်ပြီး သူ့ရှေ့ရှိ ထိုင်ခုံတွင် ထိုင်လို့နေပါသည့် ကျီကျန်းချင်အား ကြည့်လိုက်သည်။ ထန်ထန်နှင့်အတူ ဆရာ၀န်၀တ်စုံ၀တ်ကာ ဆော့ကစားခဲ့သင့်ပါကြောင်း သူ့ကိုယ်သူ တွေးလိုက်မိသည်။ ထိုသို့သာလုပ်ခဲ့ပါက အခုလို ရွံ့ရှာဖွယ် တတိယလူမှာ သူတို့ကြားတွင် ရှိလာလိမ့်မည်မဟုတ်ချေ။
” ဒေါက်တာကျီက အရမ်းတတ်နိုင်တာပဲ ”
ချီယူသည် လက်ကိုင်ပုဝါအား စားပွဲပေါ်သို့ ပစ်တင်ရင်း အေးစက်စွာဆို၏။
ကျီကျန်းချင်သည် မျက်မှန်ကို ပြင်လိုက်ပြီး နွေးထွေးစွာ ပြုံးလိုက်ရင်း
” မစ္စတာချီက အရမ်းသဘောကောင်းတာပဲ။ မင်းနဲ့ ယှဉ်ရင် ကျွန်တော်က ဘာမှ မဟုတ်ပါဘူး ”
ချီယူသည် အလျင်စလို လာခဲ့ရသဖြင့် အမြဲသပ်ရပ်နေတတ်သော ဆံပင်တို့မှာ နဖူးပေါ်သို့ ကျဆင်းလို့နေသည်။ သူ၏ မျက်နှာသွင်ပြင်မှာ ပြတ်သားပြီး မျက်၀န်းတို့မှာ နက်မှောင်နေခဲ့သည်။ ကျီကျန်းချင်၏ စကားများအား ကြားပြီးနောက် ချီယူသည် နှာမှုတ်ကာ ထက်ရှလှသော စကားလုံးတို့ဖြင့်
” ဒါဆိုလည်း ဒီလိုနေရာမှာ ဘာတွေများ ပြောဖို့ လိုလို့လဲ ဒေါက်တာကျီရဲ့ ”
ချီယူ၏ ရန်လိုမှုနှင့် ဆန့်ကျင်စွာ ကျီကျန်းချင်၏ သွင်ပြင်မှာ သိမ်မွေ့လို့နေသည်။ ဘောင်မဲ့ မျက်မှန်အောက်မှ မျက်၀န်းများမှာလည်း လင်းလက်လို့နေကာ ဖျော့ဖျော့တော့တော့ ပြုံးလိုက်ပါကလည်း နွေဦးလေကြောင့် အရည်ပျော်သွားရပါသော နှင်းများအလားပင်။
” မစ္စတာချီ၊ မင်းက ငါ့ကို စဖိတ်ခဲ့တည်းက ငါ့ရဲ့ စံနှုန်းတွေကိုလည်း မင်းသိပြီးပဲနေမှာပါ။ ငါက မင်းလိုမျိုး စီးပွားရေးလုပ်ငန်းတွေ၊ နောက်ခံမိသားစုတွေ မရှိပေမယ့်လို့ ငါကိုယ်ငါတော့ နိမ့်ကျတယ်လို့ မထင်မိဘူး။ ငါက ထန်ထန်ကို ကြိုက်သလို မင်းကလည်း သူ့ကို လက်လွှတ်မပေးနိုင်ဘူးလေ။ ဒါဆိုဘာလို့များ သေသေကြေကြေ တိုက်ခိုက်နေရဦးမှာလဲ? ”
ကျီကျန်းချီသည် မျက်မှန်အား ချွတ်ကာ ဖြည်းဖြည်းချင်း သုတ်နေရင်း
” ငါတို့နှစ်ယောက်လုံးက သူ့နှလုံးသားကို အခုထိ မရသေးတဲ့ မုဒိန်းကောင်တွေပဲ။ သူရဲ့ အတိတ်ဆိုးတွေကြောင့် ထန်ထန်က ချစ်ဖို့ ကြောက်နေတာ။ ဒါကြောင့် နှစ်ဖက်လုံးကို ပျက်စီးစေမလား၊ ခြေတစ်လှမ်းစီပဲ ပြန်ဆုတ်မလားဆိုတာက မင်းပေါ်မှာ မူတည်တယ် ”
အမျိုးသားနှစ်ယောက်သည် တိတ်တဆိတ်ဖြင့် အချင်းချင်း စိုက်ကြည့်နေမိသည်။ ကျီကျန်းချင် ပြောသည်တို့က မှန်ကန်နေပါကြောင်း သိနေသည့်အတွက် ချီယူ၏ မျက်နှာမှာ ပိုလို့ပင် မသာမယာဖြစ်လာခဲ့သည်။ အင်အားကြီးသော လူများမှာ သေမည်ကို အလွန်ပင် ကြောက်ရွံ့ကြ၏။ ချီယူသည် သူ့အား တစ်ချက်ကြည့်လိုက်ပြီးမှ ဖိုင်အား ယူလိုက်သည်။ ထို့နောက် မနာလို၀န်တိုမှုကြောင့် ဖြစ်ပေါ်လာရသော ဆိုးရွားလှသည့် ကိစ္စရပ်တို့အား ဖော်ပြထားသော စာမျက်နှာများအား ဖတ်လိုက်မိသည်။ အထက်တန်းလွှာရှိ လူများမှာ ဘုရားသခင်၏ လက်အား ပိုင်ဆိုင်ထားပါသော ကျီကျန်းချင်အား မစော်ကားရဲကြပေ။ သူတို့၏ ချစ်ရသူများမှာ တစ်နေ့နေ့တွင် ထိုဘုရားသခင်လက်တော်အား မလိုလာပါဟု မည်သူကမှ မသိနိုင်ပါချေ။
” ထန်ထန်ရဲ့ အတိတ်ဆိုးတွေဆိုတာ ဘာကိုဆိုလိုချင်တာလဲ? ”
ချီယူသည် စီးကရက်အား ညှပ်ထားရင် ကြမ်းရှစွာ မေးလိုက်မိသည်။
သူ နားမလည်ခဲ့သည်အရာအား နားလည်သွားသည့်အတွက် ကျီကျန်းချင်မှာ အံဩစွာ မျက်ခုံးပင့်လိုက်မိသည်။ ထန်နီအန်တစ်ယောက် ထန်ထန်ပေါ်တွင် မည်သို့ရက်စက်ခဲ့ပါကြောင်း ချီယူသိခဲ့ပါလျှင် သူ့အား အခွင့်ရေးတစ်စက်မျှပင် ပေးခဲ့လိမ့်မည်မဟုတ်ချေ။
သူသည် အံဆွဲအား ဖွင့်ကာဖိုင်တစ်ခုအား ထုတ်ယူလိုက်သည်။ ထို့နောက် စားပွဲပေါ်သို့ တင်လိုက်ပြီး ချီယူဆီသို့ တွန်းပေးလိုက်ရင်း
” ဒါက ငါ တစ်ယောက်ယောက်ကို စုံစမ်းခိုင်းထားတဲ့ ရလဒ်တွေပဲ။ စုံစမ်းမှုအရဆို ထန်ထန်ရဲ့ ခြေထောက်ဒဏ်ရာက မတော်တဆဖြစ်ခဲ့တာ မဟုတ်ဘူး ”
” ဘန်း…..”
ဒေါတာကျီ၏ စားပွဲမှာ ပျက်ဆီးသွားခဲ့သည်။ ချီယူ၏ မေးရိုးတင်းတင်း၊ တင်းကြပ်စွာ ကြုတ်ထားသော မျက်မှောင်တို့ဖြင့် စာဖိုင်ကိုသာ နက်မှောင်သော မျက်၀န်းတို့ဖြင့် ကြည့်နေခဲ့သည်။
ခက်ခဲကြမ်းတမ်းမှုတို့ နောက်ကွယ်တွင် ကျဆင်းခဲ့ရသော သွေးစက်တို့အား စကားလုံးများဖြင့် တိတိကျကျပင် ဖော်ပြ၍ မရနိုင်ပေ။
သူသည် နက်နက်ရှိုင်းရှိုင်း ခံစားလိုက်ရ၏။ ထိုအချိန်က လူငယ်လေးမှာ ကောင်းချီးပေးခံထားရသော အရည်အချင်းတို့ဖြင့် စင်ပေါ်၌ တောက်ပနေသင့်သော ဆယ့်လေးနှစ်အရွယ် ကြယ်လေးတစ်ပွင့်ဟန်ပင်။ သို့သော်ငြား ယခုတွင်မူ ဝှီးချဲပေါ်တွင်သာ ထိုင်ပြီး ကြောက်ရွံစွာ ရှင်သန်နေခဲ့ရသည်။
ကျီကျန်းချင်၏ အမူအရာမှာ မထူးမခြားပင်။
“ထန်နီအန်က အော်ခဲ့တာ။ ထန်ထန့်ကို ဆေးရုံမှာ လာကြည့်တုန်းက ကိုယ့်ကိုကိုယ် သတ်သေဖို့ အရိပ်အမြွတ်တွေ ပြောခဲ့လို့ အရင်ရက်တွေတုန်းက ထန်ထန်ရဲ့ စိတ်ပိုင်းဆိုင်ရာ အခြေအနေက သိပ်ကို မတည်မငြိမ်ဖြစ်နေခဲ့တာ။ ဒါပေမယ့် သူ အံဒါတွေက်ု တွေးတောချိန်မရှိအောင် ငါ သူ့ကို လုပ်စရာတွေ အများကြီး စီစဉ်ပေးထားလိုက်တယ် ”
ချီယူသည် ခဏကြာအောင် တိတ်ဆိတ်သွားခဲ့ပြီး စားပွဲပေါ်ရှိ ဖိုင်တွဲအား ကောက်ယူရင်း လူကြီးလူကောင်းဆန်စွာ ပြောလာခဲ့သည်။
” ဒီတစ်ခါတော့ ငါမင်းကို အကြွေးတင်သွားပြီ၊ ဒေါက်တာကျီ။ ထန်နီအန်ကို ငါပဲ ကြည့်လုပ်လိုက်မယ်။ ခွဲစိတ်တာကိုတော့ မင်းကိုပဲ အပ်လိုက်တော့မယ် ”
ထိုသည်မှာ ချီယူ၏ အတူတကွ ယှဉ်တွဲကာ ငြိမ်းချမ်းစွာ နေထိုင်ရန် အသံတိတ် သဘောတူညီချက်ဖြစ်၏။ ကျီကျန်းချင်သည် သူ၏ စိုးမိုးလိုသော စိတ်သဘောထားအား သဘောမထားခဲ့ပေ။ သူသည် ပြုံးလိုက်ပြီး
” ရပါတယ်၊ မစ္စတာချီရဲ့ ”
ချီယူသည် သူ့အား ၀တ်ကျေတန်းကျေ ပြန်ပြုံးပြကာ ဆေးရုံထဲမှ ခြေလှမ်းကျယ်ကြီးများဖြင့် ထွက်ခွာသွားတော့သည်။
…………………
အဆင့်မြင့် ကော်ဖီဆိုင်တစ်ခု၏ bussinessခန်းတွင် ထန်နီအန်သည် အထက်တန်းကျစွာ ၀တ်စားထားကာ အကအဖွဲ့မှ သူ့သူငယ်ချင်း နှစ်ယောက်နှင့်အတူ စကားပြောနေခဲ့သည်။
” နီအန်၊ မင်းညီက မင်းလူကို မြူဆွယ်ခဲ့တာတောင် မင်းက သူ့အပေါ် ငဲ့နေတုန်းပဲလား? သူ့ခြေထောက်ကုထုံးအတွက်တောင် ပိုက်ဆံပေးခဲ့သေးတယ်ဆို၊ ဘာလို့ ပေးခဲ့ရတာလဲ? ”
ထန်နီအန်နှင့် အသက်တူသော လူငယ်လေးသည် နှာမှုတ်ရင်း ထန်ထန်အား ရွံ့ရှာစွာ ထောက်ပြပြောဆိုလာခဲ့ပါ၏။
အခြား နူးညံ့ကာ ချောမောလှသော လူငယ်လေးက ချက်ချင်းပင်
” ဟုတ်တယ်၊ မင်းရဲ့ ကောင်လေးက ရုပ်ရှိ ရေလျှံပဲဟာကို ဘာလို့ သူ့ကို တင်းတင်းမဆုတ်ထားဘဲ မင်းရဲ့ စည်းမရှိကမ်းမရှိတဲ့ အဲ့ကောင်ထန်ထန်ဆီကို ပေးလိုက်မှာလဲ? ”
ထန်နီအန်သည် ပက်ပန်းနွမ်းလျနေခဲ့၏။ သူသည် ကော်ဖီအား တစ်ငုံသောက်လိုက်ပြီး ခါးသက်သော အသံဖြင့်
” ဘာတတ်နိုင်မှာလဲကွာ။ သူ့က ငါ့ရဲ့ ညီလေးပဲလေ ”
သူရှေ့ရှိ လူငယ်နှစ်ယောက်မှာ ပိုလို့ပင် ဒေါသထွက်လာကြ၏။ သူတို့သည် ထန်နီအန်အတွက် ရပ်တည်ပေးရန် ဆေးရုံသို့ သွားတော့မည့်အချိန်တွင် လူသန်ကြီးသုံးယောက်သည် ကော်ဖီဆိုင် တံခါးအား ပိတ်ရပ်ကာ သူတို့စားပွဲဆီသို့ တည့်တည့်ကြည့်နေကြောင်း တွေ့လိုက်ရ၏။ လူငယ်နှစ်ယောက်သည် ပါးစပ်များမှာ တုန်ယင်သွားပြီး စကားပြောခြငါးကိုလည်း ရပ်တန့်လိုက်တော့သည်။
ထိုလူသုံးယောက်မှာ ဖြုံလောက်ဟန်ပင်။ ထို့ကြောင့် ကော်ဖီဆိုင်ထဲရှိ လူများမှာ ရည်ရွယ်၍သော်လည်းကောင်း၊ မရည်ရွယ်၍သော်လည်းကောင်း ထန်နီအန်၏ စားပွဲရှိရာသို့သာ ရောက်နေခဲ့၏။
” တဆိတ်လောက်ပါ၊ ခင်ဗျားက ဘာလိုချင်လို့လဲ? ”
ထန်နီအန်သည် သူ့ခွက်အားချကာ စိတ်ရှုပ်ထွေးစွာဖြင့် မေးလိုက်သော်ငြား စိတ်ထဲတွင်မူ အချိန်မှား၌ ရောက်လာသော ထိုသူတို့အား အပြစ်တင်နေခဲ့သည်။ သူသည် ထန်ထန်၏ ဆေးရုံခန်းသို့ သည်နှစ်ယောက်အား ခေါ်သွားကာ ပွက်လောရိုက်သွား စေချင်သေး၏။ သူသည် သူ့ညီအား အမြန်ပင် သေစေချင်နေခဲ့သည်။
” မင်းက ထန်နီအန်လား? ”
အဖွဲ့ခေါင်းဆောင်သည် ထန်နီအန်အား အပေါ်အောက် စုန်ဆန်ကြည့်လိုက်ပြီး သူ့အိတ်ကပ်ထဲမှ ဓာတ်ပုံကိုပင် ထုတ်ကာ မျက်နှာကို သေချာစွာ စစ်ဆေးပြီးနောက် လက်ဝှေ့ရမ်းကာ အမိန့်ပေးလိုက်သည်။
” သွား၊ သူ့ကို ဆွဲခေါ်ထုတ်သွား ”
လူသန်ကြီးနှစ်ယောက်သည် ရှေ့သို့ ချက်ချင်းတိုးကာ ထန်နီအန်အား လည်ပင်းကော်လာမှ ကိုင်ကာ ဆွဲခေါ်တော့၏။
ထန်နီအန်သည် မျက်မှောင်ကြုတ်ကာ ရုန်းနေသော်ငြား လူသန်ကြီး၏ လက်ထဲတွင်မူ သူသည် အားနည်းသော ကြက်ပေါက်လေးသဖွယ်ပင်။
” ငါ့ကို လွှတ်ပေး။ မင်းတို့က ဘယ်သူတွေလဲ? လူတစ်ယောက်ကို ဒီလိုမျိုး ပြန်ပေးဆွဲလို့မရဘူးကွ! ”
ကော်ဖီဆိုင်ရှိ လူအားလုံး နောက်လှည့်ကြည့်မိကြ၏။ စားပွဲထိုးသည်ပင် ရင်တုန်သွားပြီး ရဲခေါ်တော့မည့်အချိန်တွင် အဖွဲ့ခေါင်းဆောင်သည် စာချုပ်တစ်ခုအား အကသမားနှစ်ယောက်ရှိရာသို့ ပစ်ထုတ်လိုက်ရင်း နှာမှုတ်ကာဖြင့်
” မင်းက ဘာတွေ လျှောက်အော်နေတာလဲ? ဒီစာချုပ်က ဖန်တီးခြင်းအဖွဲ့စည်းရဲ့ ဥက္ကဌချီနဲ့ ထန်နီအန်တို့ကြားက နှစ်ဦးသဘောတူစာချုပ်ပဲ။ ဥက္ကဌက သူနဲ့ အိပ်တောင်မအိပ်ခဲ့တာကို ဒီကောင်က မစ္စတာချီရဲ့ ကောင်လေးကိုတောင် ထိခိုက်အောင်လုပ်လိုက်သေးတယ်။ ဟိုက အခုက စိတ်ဆိုးသွားပြီး စာချုပ်ကို ဖြတ်သိမ်းချင်နေပြီ။ သူ့ရဲ့ မိသားစု အရင်က ချေးထားတဲ့
ငွေတွေအကုန်လုံး ပြန်ဆပ်ရလိမ့်မယ်။ ငါတို့လဲ ရှင်သန်နေကြရတဲ့ သူတွေပဲလေ သူ့အတွက် နေရာကောင်းကောင်းတစ်ခု ရှာပေးထားပါတယ်ကွာ ”
သူထိုသို့ ပြောလိုက်ပြီးပြီးချင်းမှာတင် ဘေးမှဝိုင်းကကြည့်နေသူများသည် သူ့အား အထင်သေးစွာ စိုက်ကြည့်လာကြသည်မှာ အပ်ပေါင်းများစွာဖြင့် အထိုးခံနေရသယောင်။ ထန်နီအန်မှာ စားပွဲပေါ်ရှိ ရှုးဂါးဒယ်ဒီစာချုပ်အား ကြည့်ကာ တုန်ယင်သွားသည်မှာ ကောင်းကင်ကြီး သူ့အပေါ်သို့ ပြိုလဲကျလာသယောင်ပင်။
လူငယ်နှစ်ယောက်သည် ထန်နီအန်ကိုယ်တိုင် လက်မှတ်ရေးထိုးကာ လက်ဗွေနှိပ်ထားသော သဘောတူစာချုပ်အား အသေအချာ ကြည့်လိုက်ကြသည်။ ခေါင်းဆောင်ထံ၌ အသံဖိုင်ပင် ရှိနေခဲ့၏။
ထန်ထန်အား ကျိန်ဆဲနေပါသော လူငယ်လေးသည် မျက်လုံးများပြူးကျယ်ကာ ချေပလာခဲ့သည်။
” ဘာ! မစ္စတာချီက ချီယူရဲ့ ကောင်လေး မဟုတ်ဘူးလား? ”
” ဟဟဟ ”
ခေါင်းဆောင်သည် ရယ်မောလိုက်ပြီး
” မင်းက အိမ်မက်မက်နေတာလား? မစ္စတာချီရဲ့ ချစ်သူကောင်လေးက ထန်နီအန်ရဲ့ ညီလေး ထန်ထန်ဆိုပြီး ငါကြားခဲ့တယ်။ က်ုယ့်ညီကိုတောင် ခြေမသန်စွမ်းအောင် လုပ်ခဲ့တာက မင်းလေ။ မစ္စတာချီက ပိုက်ဆံတစ်ပြားမှကို ရခဲ့မှာ မဟုတ်ဘူး ”
ကြောင်အနေပါသည့် လူငယ်နှစ်ယောက်အား လျစ်လျူရှုထားရင်း အဖွဲ့ခေါင်းဆောင်သည် လည်ပင်းအား ပျင်းရိစွာ လှုပ်ကာ
” သူလုပ်ထားတဲ့ဟာတွေ အကုန်လုံး သူပြန်ကို ပေးဆပ်ရမှာပဲ။ တော်ပြီ၊ ငါ မင်းနဲ့ စကားဆက်မပြောတော့ဘူး။ သွားကြရအောင် ”
” ဟင့်အင်း ”
ထန်နီအန်၏ နူးညံ့သော ပုံစံမှာ အချိန်အတော်ကြာကပင် ပျောက်ကွယ်သွားခဲ့ပြီး ရက်စက်ကြမ်းကြုတ်သော ပုံစံသာ ရှိနေခဲ့သည်။ သူသည် အော်ဟစ်လိုက်သော်ငြား ထိုသူကတော့ သူ့အား ပါးစပ်ပိတ်ကာ ကော်ဖီဆိုင်ထဲမှ ဆွဲထုတ်သွားခဲ့သည်။
သူ၏ နတ်ဆိုးဆန်သော စရိုက်အား မျက်မြင်တွေ့သွားပါသည့် သူငယ်ချင်း နှစ်ယောက်သည် နစ်ယောက်နှင့် တစ်ယောက် အံဩစွာ စိုက်ကြည့်လို နေမိသည်။ စားပွဲပေါ်ရှိ ရူးဂါးဒယ်ဒီနှင့် သဘောတူစာချုပ်အား ကြည့်လိုက်ပြီးနောက် ထန်နီအန် ပြောခဲ့သော ကြီးကျယ်သည့် စကားများအား သတိရမိသွားသည်။ သူတို့ ထန်နီအန့်အကြောင်း လုံး၀ကို မသိသေးပါကြောင်း ရုတ်ခြည်း ခံစားလိုက်မိ၏။
ချီယူသည် လောင်နေဆဲ စီးကရက်အား။လက်ကြားတွင် ညှပ်ထား၏။ အငွေ့များသည် သူ့၏ နက်ရှိုင်းလှသော မျက်ခုံးနှင့် မျက်၀န်းတို့အား ရီဝေမှုန်ဝါးသွားစေ၏။ သူသည် ဖုန်းကိုင်လိုက်ပြီး အေးစက်စွာ ပြောလိုက်သည်။
” ထန်နီအန်ကို ဖမ်းမိပြီလား? ”
” ကောင်းတယ်၊ ငါ သူရဲ့ ခြေထောက်နှစ်ဖက်ကို လိုချင်တယ် ”
(Arc2) Chapter 9 End
