FTT [ Gp1 ]:
World 4 – ရက်စက်ကြမ်းကြုတ်သော ရေခဲမင်းသားလေးကို လိုးပစ်ခြင်း
Chapter – 41
World 4 [ Chapter – 1]
အေးစက်စက် ရေခဲတုံးမင်းသားရဲ့ ဖောက်ပြန်မှု ဖမ်းမိတဲ့ အခင်းဖြစ်ပွားရာကို ကူးပြောင်းလာပြီး၊ သင်းကွပ်ခံရလုနီးပါးဖြစ်ကာ၊ ရုပ်ချောတဲ့ ဧကရာဇ်ကို အပြတ်လိုးပစ်ဖို့ဆိုတဲ့ လျှို့ဝှက်မစ်ရှင် ပွင့်လာခြင်း။
—–
“ဒီကောင့်ကို သင်းကွပ်လိုက်၊ ပြီးရင် နောက်ဖေးတောင်ကုန်းကို ဆွဲသွားပြီး ခွေးစာကျွေးလိုက်ကြစမ်း…”
ကျိုးဝေ့ချီ သတိပြန်လည်လာလာချင်းပဲ လူကို အလိုလို ကျက်သီးထသွားစေတဲ့ စကားတစ်ခွန်းကို ကြားလိုက်ရခြင်းဖြစ်သည်။
ငရဲပြည်က တိုက်ရိုက်လာတဲ့ အေးစက်စက် အငွေ့အသက်တွေ ပါလာသလိုပဲ။ အဲ့ဒီအသံက အထက်စီးဆန်လွန်းပြီး၊ ဂရုမစိုက်တဲ့ မာနတွေ အပြည့်ပါနေကာ၊ ညစ်ပတ်တဲ့ အမှိုက်တစ်ခုကို မြင်လိုက်ရသလို ရွံရှာစက်ဆုပ်နေတဲ့ဟန်ပင်။
ကျိုးဝေ့ချီ ခေါင်းတွေမူးနောက်နေပြီး ခန္ဓာကိုယ်အသစ်နဲ့ အသားကျဖို့ ကြိုးစားနေဆဲ။ အသံလာရာကို သေချာကြည့်ချင်ပေမဲ့၊ ခေါင်းမော့လို့တောင် မရသေးခင်မှာပဲ ပတ်ဝန်းကျင်က ဆူညံနေတဲ့ အသံတွေရဲ့ ဝိုင်းရံတာကို ခံလိုက်ရသည်။
ရှုပ်ယှက်ခတ်နေတဲ့အသံ၊ စူးစူးဝါးဝါး အော်ဟစ်သံတွေနဲ့ အပြစ်တင်ဆဲဆိုသံတွေပါ ရောထွေးနေတာပဲ။
“ဝမ်ဖေး! ဝမ်ဖေး! ဝမ်ရဲ့၊ ဝမ်ဖေး မေ့လဲသွားပါပြီ!…”
“ဒီခွေးသူခိုးကတော့ သေဒဏ်ပေးခံရဖို့ပဲ ထိုက်တန်တယ်…”
မကြာခင်မှာပဲ ကျိုးဝေ့ချီက သူ့ကို လူနှစ်ယောက်က လက်မောင်းကနေ ချိုင်းဆိုင်းပြီး ဆွဲခေါ်သွားတာကို ခံစားလိုက်ရသည်။ စုတ်ပြတ်နေတဲ့ ဂုန်နီအိတ်ဟောင်းကြီး တစ်လုံးကို ဆွဲသွားသလိုပဲ။
ကျိုးဝေ့ချီလည်း ဒီအချိန်လေးကို အခွင့်ကောင်းယူပြီး ခန္ဓာကိုယ်အသစ်နဲ့ အမြန် အသားကျအောင် လုပ်လိုက်သည်။ အရေးအကြီးဆုံးက ကမ္ဘာသစ်ရဲ့ အချက်အလက်တွေကို လက်ခံရယူဖို့ပဲ။
စနစ်ရှောင်တင်းဆီကနေ အထုပ်လိုက် ပို့ပေးလာတဲ့ အချက်အလက်တွေကို ကျိုးဝေ့ချီ အမြန် စီစဉ်လက်ခံလိုက်သည်။
ကျိုးဝေ့ချီကို အံ့သြသွားစေပေမဲ့ စိတ်ဝင်စားမှု အပြည့်ဖြစ်သွားစေတာက၊ ဒီကမ္ဘာကြီးက ရှေးဟောင်းခေတ် ကမ္ဘာကြီး ဖြစ်နေတာပဲ။
ဒါက [အာဏာရှင်ဘော့စ်ကြီးများကို အပြတ်လိုးပစ်] စနစ်နဲ့ ချိတ်ဆက်မိပြီးကတည်းက သူ ရှေးခေတ်ကို ပထမဆုံးအကြိမ် ရောက်ဖူးခြင်းပင်။
ဒါက “ရေခဲတုံးမင်းသားရဲ့ စွန့်ပစ်ခံဇနီးသည်” လို့ နာမည်ရတဲ့ ခေတ်ဟောင်း မယ်ရီဆူးဝတ္ထုတစ်ပုဒ်။
ဇာတ်လိုက်မလေးက ချူဝမ်အာ၊ ခုနက မူးဝေနေတုန်း ကြားလိုက်ရတဲ့ မေ့လဲသွားတဲ့ ဝမ်ဖေး ဆိုတာ သူမပင်။
ပြီးတော့ လူကို သင်းကွပ်ပြီး နောက်ဖေးတောင်ကုန်းမှာ ခွေးကျွေးဖို့ အေးစက်စက် အမိန့်ပေးခဲ့တဲ့သူကတော့ ဒီဝတ္ထုရဲ့ ဇာတ်လိုက်မင်းသား၊ ရေခဲတုံး မင်းသားလေး – ယဲ့လင်လျဲ့ ပဲဖြစ်သည်။
ကျိုးဝေ့ချီရဲ့ နေရာကတော့ ဇာတ်လိုက်မလေးရဲ့ ငယ်သူငယ်ချင်း နေရာ။ သွေးအေးရက်စက်တယ်လို့ နာမည်ကြီးတဲ့ ရေခဲတုံး မင်းသား ယဲ့လင်လျဲ့ဆီကို ဇာတ်လိုက်မလေး အတင်းအကျပ် အိမ်ထောင်ချပေးခံရပြီး သုံးနှစ်ကြာတဲ့တိုင်အောင်၊ သူက ညီမဝမ်းကွဲလေးအပေါ် သံယောဇဉ် မပြတ်နိုင်သေးတဲ့ ကောင်ပေါ့။
ဇာတ်လိုက်မလေးကတော့ ယဲ့လင်လျဲ့နဲ့ လက်ထပ်ပြီး သုံးနှစ်လုံးလုံး မုဆိုးမလို အထီးကျန်နေခဲ့ရတာချည်းပဲ။ မင်းသားက သူမကို စေ့စေ့တောင် မကြည့်ခဲ့ဖူးဘူး၊ အထိအတွေ့ဆိုတာ ဝေလာဝေး။
ယဲ့လင်လျဲ့က သုံးနှစ်အတွင်း ပထမဆုံးအကြိမ် သူ့မိန်းမရဲ့ အဆောင်ကို လာတဲ့အချိန်က ခုနလေးတင်ပဲ၊ အဲဒါတောင် ဖောက်ပြန်တာကို လာဖမ်းတာတဲ့လေ။
ကျိုးဝေ့ချီ ကူးပြောင်းလာတဲ့အချိန်က ဝတ္ထုရဲ့ အစပိုင်းနဲ့ ကွက်တိကျနေသည်။ အဲဒါက ယဲ့လင်လျဲ့ သူ့မိန်းမနဲ့ ငယ်သူငယ်ချင်း အစ်ကိုဝမ်းကွဲ “ကျိုးဝေ့ချီ” တို့ တိတ်တိတ်ပုန်း တွေ့ဆုံနေတာကို မိသွားတဲ့ အခင်းဖြစ်ပွားရာ နေရာပဲ။ အဲဒီတော့မှ “ကျိုးဝေ့ချီ” ကို သင်းကွပ်ဖို့နဲ့ နောက်ဖေးတောင်ကုန်းမှာ ခွေးစာကျွေးဖို့ အမိန့်ပေးလိုက်ခြင်းပင်။
ဇာတ်လိုက်မ ချူဝမ်အာ ကတော့ ဒီအထင်လွဲမှု (ဒါမှမဟုတ်) တစ်စုံတစ်ယောက်ရဲ့ အကွက်ဆင်မှုကြောင့် ယဲ့လင်လျဲ့ရဲ့ စွန့်ပစ်ခံ ဝမ်ဖေးအဖြစ် တိုက်ရိုက် ပြောင်းလဲသွားတော့မည်။ ယဲ့လင်လျဲ့က ဒီအခွင့်အရေးကို ယူပြီး သူမကို ကွာရှင်းပြတ်စဲလိုက်တာပဲ။
ဝတ္ထုရဲ့ နောက်ဆက်တွဲ ဇာတ်လမ်းကတော့၊ ဇာတ်လိုက်မလေးက အကွက်ဆင်ခံရတာဖြစ်ပြီး၊ သူမကို ချောက်ချခဲ့တဲ့သူက မင်းသားကိုယ်တိုင်ပဲ။
ဘာလို့လဲဆိုတော့ မင်းသားက ဇာတ်လိုက်မလေးရဲ့ အဖေဆီက အင်အားတွေကို ဟန်ဆောင် သိမ်းသွင်းဖို့အတွက် သူမကို လက်ထပ်ခဲ့တာလေ။
တကယ်တမ်းကျတော့ သူ့ရဲ့ အစ်ကိုတော် ဧကရာဇ်နဲ့ ပူးပေါင်းပြီး ဇာတ်လမ်းဆင်နေကြတာ။ ညီအစ်ကို နှစ်ယောက်က အပြင်ပန်းမှာတော့ မတည့်သလိုဟန်ဆောင်နေပေမဲ့၊ တကယ်တော့ ဇာတ်လိုက်မ အဖေရဲ့ ကြီးမားတဲ့ အင်အားစုကြီးကို ရှင်းထုတ်ပစ်ဖို့အတွက် ညီညီညွတ်ညွတ်နဲ့ လက်ဝါးချင်းရိုက်ထားကြခြင်းဖြစ်သည်။
ဝတ္ထုအစ၊ ဆိုလိုတာက ဇာတ်လိုက်မနဲ့ ဇာတ်လိုက်မင်းသားတို့ လက်ထပ်ပြီး သုံးနှစ်အကြာမှာတော့ အချိန်ကိုက်ဖြစ်သွားပြီလေ။
ဒါကြောင့် မင်းသားက ဖောက်ပြန်တာကို ဖမ်းမိသလို ဇာတ်ဆင်ပြီး၊ ဒီအခွင့်အရေးကို ယူကာ ဇာတ်လိုက်မကို ကွာရှင်းလိုက်တာပဲ။ ပြီးတော့မှ ဧကရာဇ်နဲ့ ပူးပေါင်းပြီး ဇာတ်လိုက်မရဲ့ အဖေကို တိုက်ရိုက် ရှင်းထုတ်ပစ်လိုက်ကြသည်။
ဒီသွေးအေးတဲ့ မင်းသားက ဇာတ်လိုက်မလေးရဲ့ မိသားစုကို ဘဝပျက်အောင် လုပ်ခဲ့တဲ့သူလို့ ဆိုရမှာပဲ။ ဒါပေမဲ့ ဝတ္ထုရဲ့ နောက်ပိုင်းမှာတော့ ဇာတ်လိုက်မင်းသားနဲ့ ဇာတ်လိုက်မလေးတို့ကြားက အဆိပ်သင့်အချစ်တွေ နက်ရှိုင်းလာပြီး နောက်ဆုံးမှာတော့ ပေါင်းဖက်သွားကြတာပေါ့။
ဇာတ်လိုက်မလေးရဲ့ ငယ်သူငယ်ချင်း အမြှောက်စာလေးကတော့၊ သင်းကွပ်ခံရပြီး နောက်ဖေးတောင်ကုန်းမှာ ပစ်ထားခံရပေမဲ့ သေမသွားခဲ့ဘူး။
တခြားလူတစ်ယောက်ရဲ့ ကယ်ဆယ်တာကို ခံလိုက်ရသည်။ ဒါပေမဲ့ သူ တကယ်ကြီး သင်းကွပ်ခံလိုက်ရပြီး၊ တောခွေးတွေ ကိုက်ဖြတ်စားသောက်တာကြောင့် ရုပ်ပျက်ဆင်းပျက်ဖြစ်သွားခဲ့ရသည်။
အဲဒီနောက်မှာတော့ လုံးဝ အမှောင်ဖုံးသွားပြီး ယခု ဒီဝတ္ထုရဲ့ နံပါတ်တစ် ဗီလိန်ကြီး ဖြစ်လာတော့တာပဲ။
ကျိုးဝေ့ချီ စိတ်ညစ်ညစ်နဲ့ အချက်အလက်တွေကို စီစဉ်လို့အပြီး… အခု သူက ဇာတ်လိုက်မလေးရဲ့ ငယ်သူငယ်ချင်း ဖြစ်နေပြီလေ၊ အဲဒါမှ ဖောက်ပြန်နေတုန်း လက်ပူးလက်ကြပ် အဖမ်းခံရခါစလေး။
ဆိုလိုတာက သူ ရှေ့ဆက်သွားရမယ့်လမ်းက ဒီလိုပုံစံမျိုး – သင်းကွပ်ခံရမယ်၊ ပြီးရင် ခွေးကျွေးခံရမယ်၊ ပြီးတာနဲ့ ဗီလိန်ကြီးအဖြစ် အမှောင်ဖုံးသွားမယ်။ သေချာတာကတော့ နောက်ဆုံး ဇာတ်သိမ်းမှာ ရေခဲတုံး မင်းသားရဲ့ ရက်ရက်စက်စက် နှိပ်ကွပ်တာကို ခံရပြီး၊ အသေဆိုးနဲ့ သေရမှာ အသေအချာပဲ။
ကျစ်… ရှေးခေတ်က တကယ်ကို လခွမ်းတွေပဲ။ ပိုပြီး စောက်ရူးတွေ ပိုများနေတာပဲ။ ဒါပေမဲ့ ဒီလိုစိန်ခေါ်မှုများတဲ့ ဇာတ်ကောင်မျိုးကို ကျိုးဝေ့ချီက တော်တော်လေး သဘောကျနေသည်။
“မင်းလို သေရမှာမကြောက်တဲ့ ခွေးကောင်ကများ၊ ငါတို့ ဝမ်ဖေးကို မြှူဆွယ်ရဲတယ်ပေါ့လေ?…”
ကျိုးဝေ့ချီ တွေးနေတုန်းမှာပဲ၊ နားထဲမှာ စူးရှရှ အသံတစ်သံ ရုတ်တရက် ထွက်ပေါ်လာသည်။ ယောကျ်ားမဟုတ် မိန်းမမဟုတ်နဲ့ ကြက်သီးထစရာ အသံမျိုး။ ကျိုးဝေ့ချီ မော့ကြည့်လိုက်တော့ အသက်အရွယ်ရနေပြီဖြစ်တဲ့ မိန်းမစိုးကြီးတစ်ယောက်က သူ့ကို အဆိပ်ငွေ့တွေ ထွက်နေတဲ့ မျက်လုံးတွေနဲ့ စိုက်ကြည့်နေတာကို တွေ့လိုက်ရသည်။
“ဟွန့်၊ ရုပ်ရည်လေးကတော့ မဆိုးပါဘူး၊ ခန္ဓာကိုယ်လေးကလည်း… အင်း၊ တော်တော်လေး တောင့်တောင့်ဖြောင့်ဖြောင့်ပဲ… နှမြောစရာကောင်းတာက ငါတို့ဝမ်ရဲ့ကို သွားရှုပ်ရဲတာပဲ… အဲဒါ မင်းဘာသာ သေလမ်းရှာတာ မဟုတ်ဘူးလား?…”
မိန်းမစိုးကြီးရဲ့ ယောကျ်ားမဟုတ် မိန်းမမဟုတ် အသံက နားထောင်လို့ တော်တော်ဆိုးရွားလှသည်။ သူ့ကို စိုက်ကြည့်နေတဲ့ အကြည့်တွေကလည်း လူကို တစ်ကိုယ်လုံး နေမထိထိုင်မသာ ဖြစ်စေသည်။
ကျိုးဝေ့ချီက စကားပြန်ပြောရမှာကို ပျင်းရိနေပေမဲ့၊ ဒီကောင်က ဘေးနားက မိန်းမစိုးပေါက်စလေးတွေကို မျက်ရိပ်ပြလိုက်တာကို မြင်လိုက်ရသည်။ အဲဒီတော့ မိန်းမစိုးလေးတွေက ဆာလောင်နေတဲ့ ဝံပုလွေတွေလို သူ့ဆီကို ခုန်အုပ်လာကြတာပဲ။
သူ့ကို ဖိချုပ်ထားချင်တဲ့ပုံပဲ။ ဟိုမိန်းမစိုးကြီးကတော့ ကတ်ကြေးတစ်လက်ကို ကိုင်ပြီး သူ့ရဲ့ ပေါင်ကြားကို ရွံစရာကောင်းလောက်အောင် စိုက်ကြည့်နေလေရဲ့။
ကျိုးဝေ့ချီ စိတ်ထဲကနေ ‘စောက်ကျိုးနည်း’ လို့ ကျိန်ဆဲလိုက်မိသည်။ ‘ဒီကောင်တွေ ငါ့ကို တကယ်ကြီး သင်းကွပ်ချင်နေတာလား?’
မိန်းမစိုးကြီးရဲ့ လက်က သူ့ဘောင်းဘီဆီကို လှမ်းလာတဲ့ အချိန်မှာပဲ၊ ကျိုးဝေ့ချီက ခြေထောက်ကို မြှောက်ပြီး တစ်ချက်တည်း ကန်ချလိုက်သည်။
သူ့ကို ဖိချုပ်ထားတဲ့ မိန်းမစိုးလေးတွေက လွင့်စင်ထွက်သွားပြီး၊ မိန်းမစိုးကြီးကတော့ သူ့ရဲ့ ပေါင်ကြားကို အကန်ခံလိုက်ရတာကြောင့် တစ္ဆေသရဲတွေ ငိုကြွေးသလို စူးစူးဝါးဝါး အော်ဟစ်ပြီး လွင့်ထွက်သွားတော့သည်။
ကျိုးဝေ့ချီက သွက်လက်မြန်ဆန်စွာနဲ့ လူးလဲထိုင်လိုက်သည်။ အပြင်ဘက်က သက်တော်စောင့်တွေ ပြေးဝင်လာတဲ့အချိန်မှာပဲ၊ အပေါ်ကို အကြိမ်အနည်းငယ် ခုန်တက်ပြီး ခေါင်မိုးတန်းပေါ်ကို ရောက်သွားသည်။
ပြီးတော့ အမိုးကြွေပြားတွေကို ဖောက်ထွက်ပြီး၊ ရှေးခေတ်က အထွတ်အထိပ် သိုင်းသမားတစ်ယောက်လိုပဲ အသက်ရှူကြိမ် အနည်းငယ်အတွင်းမှာ ဝမ်အိမ်တော်ရဲ့ ညအမှောင်ထဲမှာ ပျောက်ကွယ်သွားတော့သည်။
အဲဒီအမြန်နှုန်းက ဝမ်အိမ်တော်က သိုင်းသမားတွေကို အကြောင်သား ဖြစ်သွားစေသည်။ အခုပုံစံက ခုနက ကြက်ကလေးတစ်ကောင်ကိုတောင် မသတ်နိုင်တဲ့၊ အသေတစ်ပိုင်း အရိုက်ခံထားရတဲ့ စာပေသမား ပျော့ပျော့ဖတ်ဖတ်လေးနဲ့ တခြားစီပဲ။
ဒီဘက်မှာတော့ ကျိုးဝေ့ချီတစ်ယောက် လစ်ပြေးရင်းနဲ့ ရှောင်တင်းကို ရင်ဖွင့်နေသည်။
“ရှေးခေတ် အထွတ်အထိပ် သိုင်းသမားဆိုတဲ့ ဒီ skill အသစ်က တကယ်ကို မိုက်လှချည်လား…”
[ဒီကမ္ဘာရဲ့ မစ်ရှင် ပစ်မှတ်၊ ယဲ့လင်လျဲ့၊ “ရေခဲတုံးမင်းသားရဲ့ စွန့်ပစ်ခံဇနီးသည်” ဝတ္ထုရဲ့ ဇာတ်လိုက်မင်းသား။ ယဲ့နိုင်ငံရဲ့ နံပါတ်တစ် အချောဆုံး အမျိုးသား၊ အေးစက်ကောက်ကျစ်ပြီး သွေးအေးရက်စက်ကာ၊ ဉာဏ်များလွန်းပြီး သိုင်းပညာ အလွန်မြင့်မားသူ။]
[မစ်ရှင်က ခက်ခဲကြမ်းတမ်းပေမဲ့၊ Host အနေနဲ့ သူ့ကို အပြတ်လိုးပစ်ဖို့၊ လိုးပြီး အညံ့ခံသွားအောင် လုပ်ပစ်ဖို့ တိုက်တွန်းပါတယ်! ဖိုက်တင်း Host၊ ခင်ဗျား လုပ်နိုင်ပါတယ်!…]
ကျိုးဝေ့ချီက လှောင်ပြုံးလေး ပြုံးလိုက်သည်။ နားထောင်ကြည့်ရတာ တော်တော်လေး စိန်ခေါ်မှုများမယ့်ပုံပဲ။ ဒါပေမဲ့ ဒီလိုစိန်ခေါ်မှုမျိုးကို သူက သဘောကျနေတာ။
စနစ် ရှောင်တင်းလေးကတော့ မျှော်လင့်တကြီးနဲ့၊ ကျိုးဝေ့ချီ တစ်ယောက် ယဲ့လင်လျဲ့ကို ဘယ်လိုများ သွားလိုးမလဲဆိုတာကိုပဲ စောင့်ကြည့်ချင်နေတဲ့ပုံပဲ။ ဒါပေမဲ့ ကျိုးဝေ့ချီက ရုတ်တရက် စကားစပြောင်းပြီး မေးလိုက်လိမ့်မယ်လို့ မထင်ထားခဲ့ဘူး။
“ငါ့ရဲ့ ဒီသိုင်းပညာ skill က ဒီကမ္ဘာမှာဆို ဘယ်အဆင့်လောက်မှာ ရှိနေလဲ?…”
ရှောင်တင်းက စဉ်းစားမနေဘဲ ချက်ချင်း ပြန်ဖြေသည်။ [အရာအားလုံးထက် သာလွန်တဲ့ အထွတ်အထိပ် သိုင်းသမား အဆင့်ပါပဲ၊ ဘယ်သူမှ မယှဉ်နိုင်ပါဘူး…]
ကျိုးဝေ့ချီ နှုတ်ခမ်းထောင့်လေး တွန့်သွားသည်။ “ဒါဆိုလည်း ပြီးတာပဲ…”
ပြီးတော့ ရှောင်တင်းတစ်ယောက် ကြောင်တောင်တောင် ဖြစ်နေတုန်းမှာပဲ၊ ကျိုးဝေ့ချီက လေထဲကို ပျံဝဲထွက်သွားခဲ့ပြီ။
[Host ဘယ်သွားမလို့လဲ?…]
“နန်းတော်ကို…”
[ဟာ! Host က နန်းတော်ကို သွားပြီး ဘာလုပ်မလို့လဲ? ပစ်မှတ်က ဝမ်အိမ်တော်မှာလေ…]
“သူ့ရဲ့ အစ်ကို ဧကရာဇ်ကို အရင်သွားလိုးမလို့…”
ရှောင်တင်းခမျာ လန့်ပြီး လေထဲကိုတောင် ခုန်တက်သွားလုနီးပါးပင် (သူ့မှာသာ ခန္ဓာကိုယ်ရှိခဲ့မယ်ဆိုရင်ပေါ့လေ)။
[ဒင်!!! လျှို့ဝှက်မစ်ရှင် ပွင့်သွားပါပြီ! ဒီကမ္ဘာရဲ့ လျှို့ဝှက်မစ်ရှင်က ဧကရာဇ် ယဲ့လင်ရန်ကို အပြတ်လိုးပစ်ဖို့ပါ! လျှို့ဝှက်မစ်ရှင်ကို ပြီးမြောက်ရင် ဆုလက်ဆောင် အထုပ်ကြီး ရရှိပါမယ်!…]
ရှောင်တင်းက ချက်ချင်းဆိုသလို စကားတွေတောင် ရှေ့နောက်မညီတော့လောက်အောင် စိတ်လှုပ်ရှားသွားသည်။
[Host! ခင်ဗျားကတော့ တကယ့် နတ်ဘုရားပဲ! နတ်ဘုရားကြီး! ကမ္ဘာသစ်ကို ရောက်ရောက်ချင်း လျှို့ဝှက်မစ်ရှင်ကို ဖွင့်နိုင်တဲ့ Host မျိုး တစ်ခါမှ မရှိခဲ့ဖူးဘူး! အယ်… သာမန် Host တွေဆိုရင် လျှို့ဝှက်မစ်ရှင်ကို ဖွင့်နိုင်ဖို့ဆိုတာ တော်တော်လေး ရှားတာ! ခင်ဗျားက ပထမဆုံးပဲ၊ အရမ်း မိုက်လွန်းတယ်!!!…]
ကျိုးဝေ့ချီ ခဏတော့ ကြောင်သွားသည်။ သူကိုယ်တိုင်လည်း နည်းနည်း အံ့သြသွားတာပဲ။ သူက မူရင်းဝတ္ထုကို ခပ်ကြမ်းကြမ်းလောက်ပဲ သိထားတာလေ။
ဝတ္ထုထဲမှာ ဧကရာဇ်က အရေးပါတဲ့ ဇာတ်ကောင်ဖြစ်ပြီး အခန်းကဏ္ဍ အတော်များလှသည်။ နောက်ပိုင်းကျရင် ဇာတ်လိုက်မင်းသားဖြစ်တဲ့ သူ့ညီ ယဲ့လင်လျဲ့ဆီကနေ ညီမဖြစ်သူ (ခယ်မ) ဇာတ်လိုက်မလေးကိုတောင် လုယူဖူးသေးတာ။
အရေးကြီးဆုံးက ဒီယဲ့နိုင်ငံရဲ့ ဧကရာဇ်က လူငယ်ဘုရင်တစ်ပါး ဖြစ်နေတာပဲ။ ရုပ်ရည်က နံပါတ်တစ် အချောဆုံး ယဲ့လင်လျဲ့ကို မမှီပေမဲ့၊ သူကလည်း ရှားရှားပါးပါး ချောမောခန့်ညားတဲ့သူလေ။
မိခင်တစ်ယောက်တည်းက မွေးတဲ့ ညီအစ်ကိုတွေဆိုတော့ ရုပ်က နည်းနည်းတော့ ဆင်မှာပဲ။ အတိုချုပ်ပြောရရင် သူကလည်း ဒီကမ္ဘာမှာ လက်ချိုးရေလို့ရတဲ့ အချောအလှတွေထဲက တစ်ယောက်ဖြစ်နေတော့၊ ကျိုးဝေ့ချီအနေနဲ့ သွားမကြည့်ဘဲ နေစရာ အကြောင်းမှ မရှိတာ။
သေချာတာကတော့ အဓိက အကြောင်းရင်းက ကျိုးဝေ့ချီ တစ်ယောက် ရှေးခေတ်ကို ပထမဆုံး ရောက်ဖူးတာမို့၊ ရှေးခေတ်ရဲ့ အမြင့်ဆုံး အာဏာစက်ရှိတဲ့ နေရာကို တော်တော်လေး သိချင်မြင်ချင်စိတ် ပြင်းပြနေတာကြောင့် သွားကြည့်ရခြင်းသာ။
မထင်မှတ်ဘဲ တိုက်ဆိုင်သွားပြီး လျှို့ဝှက်မစ်ရှင်ပါ ပွင့်သွားတော့၊ ဒါက တကယ့်ကို အတိုင်းထက်အလွန် ဖြစ်သွားတာပေါ့။
Chapter 41 ended.
World 4 Chapter 1 ended.
