Little Creampie:
Chapter 40

ဖြည့်စွက်စာ စားသောက်ပြီးနောက်တွင် ဟင်းလျာများ၏ အမည်များကို ဖော်ပြခြင်းအပြင် အခြားသော အပျင်းပြေနည်းလမ်းများလည်း ရှိသေးသည်။ ရှရှင်းချီ သည် “အလေးအနက်ထား၍ စီးပွားရေးလုပ်ရန်” ဘယ်သောအခါမှ မမေ့ဘဲ Weibo ကို စတင်ရှာဖွေစဉ် လီချန်ယွမ် ကို ငြီးငွေ့စွာ မှီလိုက်သည်။

ဒီလူလေးကို ဘယ်သူကမှ စိတ်ဝင်စားမှုမပြဘဲ နေနိုင်တော့မှာလဲ။ ဘယ်သူကမှ စိတ်ကူးမယဉ်ပဲ မနေနိုင်ကြပေ။

မထင်မှတ်ပဲ များပြားလှသော ပရိသတ်များ လှိုင်းလုံးကြီးထဲသို့ တိုးဝင်လာခဲ့သည်။ သူအရမ်းနာမည်ကြီးနေတာကိုတွေ့တော့ သူအံ့သြသွားသည်။

ရှရှင်းချီ သည် အခြားသူများ၏ သဘောကျနှစ်ခြိုက်မှုကို တစ်ခါမှမခံရဖူးသောကြောင့် မှတ်ချက်ကဏ္ဍတွင် မသင့်လျော်သော သို့မဟုတ် ရိုင်းစိုင်းသောမှတ်ချက်များစွာရှိသော်လည်း မကြုံစဖူးသော ပျော်ရွှင်မှုကိုခံစားရစေရန်အတွက် လုံလောက်သောချစ်ခြင်းမေတ္တာနှင့် အားပေးမှုများကို ဖတ်ရင်း တပြုံးပြုံးရှိသည်။

နူးညံ့တဲ့ဗိုက်သားလုံးလုံးကို ဖော်ထားရင်းနဲ့ ဖြူစင်နေတဲ့ ဖြူကောင်လေးက အကာအကွယ်တွေအကုန်ချထားပြီး စိတ်ချချနဲ့ ပြုံးလိုက်တဲ့အခါ အရမ်းချစ်စရာကောင်းတယ်။

လီချန်ယွမ် သည် သူ့ဖုန်းကို တိတ်တဆိတ် လိုက်ကြည့်နေခဲ့ပြီး အင်တာနက်သုံးစွဲသူအများစုက ထိုသို့လုပ်ချင်ကြောင်း သူသဘောပေါက်လိုက်သောအခါတွင် ထိုလူသားမျက်နှာပေါ်မှ ပါးချိုင့်လေးများကို မပွတ်သပ်ဘဲမနေနိုင်တော့ပေ။

သူ၏ စိတ်လှုပ်ရှားစရာချည်းကပ်မှုတွင် ရှရှင်းချီ သည် လုံးဝ ဂရုမစိုက်ဘဲ မသိစိတ်က လီချန်ယွမ် ၏လက်ချောင်းကို ဆုပ်ကိုင်လိုက်သည်- “ကြည့်ဦး၊ ကျွန်တော့်မှာ ပရိသတ်တွေရှိလာပြီ —”

သူစကားမဆုံးခင်မှာ ရှာဖွေမှုစာရင်းဟာ ရုတ်တရက် ပြောင်းလဲသွားတာကို တွေ့လိုက်ရပြီး သူ့အကြောင်း ခေတ်စားနေသည့် ရှာဖွေမှု ခေါင်းစဉ်အားလုံးမှာ ရုတ်တရက် ပျောက်ကွယ်သွားခဲ့သည်။

ယင်းအစား၊ မကောင်းသော ရှာဖွေမှုအမျိုးမျိုးသာ တက်လာခဲ့သည်-

#အတုအယောင်ကို ချစ်စရာကောင်းတယ်လို့ ထင်နေတဲ့သူတွေ တကယ်ရှိလား။
#ရှရှင်းချီ လိမ်လည်မှု ၊ မင်း ဒီနေ့ရော ဘယ်သူကို အတုခိုးချင်တာလဲ ?#

————

[ လူဝင်စားတာတောင် ငတ်ပြီး တစ္ဆေလိုမျိုး သူ့ပုံပန်းသဏ္ဌာန်ကိုတောင် ချစ်စရာလို့ ခေါ်နိုင်တာလား။ မဟုတ်ဘူးလား?]

[သူကြည့်ရတာ ဆင်းရဲလွန်းတဲ့ မိသားစုမှာ မွေးဖွားလာခဲ့တယ် ဆိုတာ မှန်တဲ့ပုံပဲ၊ အဲဒီတုန်းက စားဖို့ မလုံလောက်လို့ အခုမှ စားရကောင်းမှန်း သိတယ်။ သူက ဝက်လား?]

[ဒါကို ဆင်းရဲမွဲတေသူရဲ့ ရည်မှန်းချက်လို့ ခေါ်တယ်။ ဆင်းရဲတဲ့ တောင်ကြားက လာတယ်လို့ ငါကြားထားတယ်။ လူတစ်ယောက် နွမ်းပါးတာနဲ့ အကျင့်စာရိတ္တလည်း နွမ်းပါးဖို့က လွယ််တယ်။]

[သူ စိတ်ပျက်စရာကြီး၊ အာ ၊ သူက အတုတွေဝတ်ထားပြီး ငါတို့ရဲ့ idol ရှောင်ယွီကို ကိုက်ဖို့ တမင်ဒီမှာလာနေနေတာလေ။]

[အဲဒါက ဘရန်းစစ်မှန်ရင်လည်း တစ်စုံတစ်ယောက်ရဲ့ အိပ်ရာထဲ လူးလိမ့်ထားလို့ ဝယ်နိုင်တာ ဖြစ်နိုင်တယ်။ ဒီလိုမှမဟုတ်ရင် သူဒီလောက်ဆင်းရဲတာ ဘယ်လိုတတ်နိုင်မလဲ။]

[သူ့မှာ ချောမောလှပတဲ့ မျက်နှာလေး ရှိပေမယ့် နောက်ကွယ်မှာ ဘယ်လောက် ညစ်ပတ်နေတယ်ဆိုတာတော့ မပြောတတ်ဘူး။ သူ့ကိုယ်သူရောင်းပြီးဝယ်မှတော့ ဒီဝတ်စုံနဲ့ မထိုက်တန်ဘူး]

ဒါကိုမြင်တော့ ရှရှင်းချီ ခဏလောက် ထိတ်လန့်သွားသည်။ သူ့ပါးစပ်ကို ဖွင့်လိုက်သော်လည်း စကားတစ်ခွန်းမှ ထွက်မလာတော့ဘဲ လီချန်ယွမ် ကို ပြရန် ဆုပ်ကိုင်ထားသည့် လက်ကို တိတ်တဆိတ် ပြန်ရုတ်သိမ်းလိုက်သည်။

သူ့စိတ်ထဲက အရေးမကြီးဘူးလို့ ပြောပေမယ့် ခေါင်းငုံ့ပြီး ဖန်သားပြင်ကို တိတ်တဆိတ် ပိတ်လိုက်ကာ မကောင်းတဲ့သတင်းခေါင်းစဉ် နှင့် လွှမ်းမိုးနေတဲ့ anti-fan စစ်တပ်ရဲ့တိုက်ခိုက်မှုကြားမှ အားပေးမှုအနည်းငယ်ကို ရှာယူဖို့ ကြိုးစားနေသည်။

သို့သော် ပြင်းထန်သော ပုဂ္ဂိုလ်ရေးဆိုင်ရာ တိုက်ခိုက်မှုများ၊ ခွဲခြားဆက်ဆံမှုနှင့် စော်ကားမှုများကြားတွင် မူရင်းချစ်စရာကောင်းပြီး နှလုံးသားနွေးထွေးစေမည့် မှတ်ချက်များကို မတွေ့ခဲ့ရကြောင်း သူတွေ့ရှိခဲ့သည်။ ရေတိုရေပန်းစားမှုက ငါပဲ ထင်ယောင်ထင်မှားဖြစ်ပုံရတယ်။

ဒါက ရှရှင်းချီ ၏မျှော်လင့်ချက်အတိုင်း မဖြစ်ခဲ့ပေ။ နောက်ဆုံးတွင်၊ သူသည် သူ၏ယခင်ဘဝထက် ပို၍ပို၍ကျယ်ပြန့်သော မကောင်းသတင်းများကို ကြံ့ကြံ့ခံရန် သည်းခံရပြန်သည်။

ဒါပေမယ့် အရေးမကြီးပါဘူး။ သူ့ကို ခွေးကိုက်ရင် အဲ့ခွေးကို သူပြန်ကိုက်မှာ မဟုတ်ဘူး၊ ဘယ်လိုပဲဖြစ်ဖြစ် ခွေးအများကြီး ပြန်မကိုက်နိုင်ဘူး။ အကယ်၍ သူသာ အဲ့ခွေးတွေကို အာရုံစိုက်လိုက်ရင် သူတို့ လွှမ်းမိုးတာခံလိုက်ရရင် သူတကယ် ရှုံးနိမ့်သွားမည်ဖြစ်သည်။

ရှရှင်းချီ သည် ခဏလောက် မျက်လုံးကို မှိတ်ထားလိုက်ပြီး နောက်ဆုံးတွင် လျစ်လျူမရှုနိုင်သော အမူအရာဖြင့် ပခုံးတွန့်လိုက်မိသည်။ သူသည် Weibo မှ မိုဘိုင်းလ်ဂိမ်းတစ်ခုသို့ လျင်မြန်စွာ ပြောင်းလဲလိုက်ပြီး ၎င်းကို လုံးဝမကြည့်တော့ပေ။

ပျော်ရွှင်ပြီး သံသယကင်းကင်းပြုံးနေသော ဖြူကောင်ငယ်လေးမှာ ဗိုက်သားလေးကိုပြန်ဖွက်ရင်း ဆူးလုံးအိမ်ထဲသို့ တိတ်တဆိတ် လှိမ့်ဝင်သွားချိန်တွင် လီချန်ယွမ် သည်လည်း မျက်မှောင်ကြုတ်ကာ ကြည့်နေမိသည်။

ရှရှင်းချီ ၏ ဖုန်းမျက်နှာပြင်မှာ သူ့ရှေ့၌ ဖျက်ခနဲ လင်းလက်သွားချိန်၌ ရှင်းရှင်းလင်းလင်း မမြင်လိုက်ပေမယ့် ဘာမှပြောစရာမလိုလောက်အောင် မကောင်းသောသတင်းခေါင်းစဉ်များ ဖြစ်ကြောင်းသိလိုက်ပါသည်။

ရှရှင်းချီ သည် ဖျော်ဖြေရေးနယ်ပယ်အကြောင်း လုံလောက်စွာ မသိသေးသည့်အတွက် ကြီးကြီးမားမား မနာလိုမှုသည် တကယ့်လူအစစ်များထံမှ မဟုတ်ကြောင်း သိမည်မဟုတ်။ ငွေကြေးကိုအသုံးချကာ တစ်ယောက်ယောက်ကို အပုပ်ချရန်ဖွဲ့စည်းထားသည့် အဖွဲ့တစ်ခုကသာ သူ့ကို ဤသို့မကောင်းသတင်းဖြန့်နေခြင်း ဖြစ်နိုင်သည်။

စကားတစ်ခွန်းမှ မပြောဘဲ လီချန်ယွမ်သည် သူ၏ ဆဲလ်ဖုန်းကို အသုံးပြုကာ Weibo တွင် တစ်ဖန် ရှုံ့မဲ့နေသော မျက်နှာဖြင့် လှန်လှောကြည့်လိုက်သည်။ နောက်ဆုံးတွင် သူသည် ဖုန်းခေါ်ဆိုရန် နက်မှောင်သောအမူအရာဖြင့် မတ်တပ်ရပ်လိုက်သည်။

ရှရှင်းချီ သည် သူ့ဖုန်းကိုကြည့်ကာ အဆာပြေမုန့်စားရင်း ထိုသူထွက်သွားတဲ့အကြောင်း သိပ်တွေးမနေဘဲ အချိန်တိုင်းအလုပ်များနေတဲ့ ဧကရာဇ်မင်းမြတ်က အလုပ်ပြန်စလုပ်ဖို့သွားတာပဲလို့ တွေးလိုက်သည်။

လင်းမုန့် က သူ့ကို နှစ်သိမ့်ပေးဖို့ မက်ဆေ့ခ်ျပို့လိုက်ခြင်းက သူ့ရဲ့ parkour ကစားတဲ့ စံချိန်ကို ချိုးဖျက်လိုက်သလိုပင်။

“အဆင်ပြေပါတယ် ရှင်းချီ၊ Weibo ကိုမဖတ်ပါနဲ့၊ အဲဒီ အပြစ်ဖို့တဲ့လူတွေကို ပါးစပ်ထဲ ထည့်ပြောဖို့တောင် မတန်ဘူး။”

“သူတို့ကို ကြည့်စမ်း၊ တကမ္ဘာလုံးကို သူတို့ရဲ့ ပြိုင်ဘက်များ မှတ်နေလား တစ်နေ့လုံး ပြင်းပြင်းထန်ထန် ဝေဖန်ဖို့ချည်းပဲ။”

“သူတို့က အင်တာနက်ပေါ်မှာ လိုက်ပြီး အပုပ်ချကြပေမယ့် လက်တွေ့မှာတော့ သူတို့အကုန် အမှိုက်တွေချည်းပဲ။”

. . . . . .

လင်းမုန့် သည် မူလက သူ့ကို နှစ်သိမ့်ပေးချင်သော်လည်း မမျှော်လင့်ဘဲ ရှရှင်းချီ အား အသရေဖျက်သည့် တစ်စုံတစ်ဦးကို တွေ့လိုက်ရသောအခါ ဒေါသကြီးစွာဖြင့် ထိန်းမနိုင်သိမ်းမရ ဖြစ်ခဲ့ရသည်။ အကြိမ်ကြိမ်ကျိန်ဆဲပြီးနောက်တွင် အရေးကြီးသည့်အချက်မှာ မကြည့်ရန်ပြောခြင်းဖြစ်သည်ကို သတိရမိသည်။
ရှရှင်းချီ က သူမ ဘာကို ဆိုလိုကြောင်း သိလိုက်သောကြောင့် နောက်ဆုံးတွင် သူ ရယ်လိုက်ကာ “ကောင်းပြီ” ဟု စာပြန်ရိုက်ကာ ရုတ်တရက် သူမ၏ မက်ဆေ့ချ်ကို မြင်လိုက်ရသဖြင့် အံ့သြသွားသည် ။

“အိုမိုင်ဂေါ့ ah! ရှင်းချီရေ၊ Weibo ကိုသွားကြည့်။ အိုးမိုင်ဂေါ့!”

ရှရှင်းချီ အံ့သြသွားသည်။ လင်းမုန့် သည်ဘာကြောင့် တစ်ခဏအကြာ နောက်တစ်ကြိမ် စိတ်ပြောင်းသွားသည်ကို မသိသော်လည်း၊ ကြည့်ရှုရန် Weibo ကို နာခံစွာဖွင့်ခဲ့သည်။

နာမည်ကြီး ရှာဖွေမှုစာရင်းသည် ရုတ်တရက်ပြောင်းသွားပြန်သည်ကို သူမြင်လိုက်ရပြီး သူ့ကို စော်ကားထားသော မှတ်ချက်များ အားလုံး လုံးဝ ပျောက်ကွယ်သွားခဲ့သည်။

ဘရန်းတံဆိပ်သည် သူဝတ်ထားသည့် ဝတ်စုံအစစ်ဖြစ်ကြောင်း ထောက်ခံပေးရန် သက်ဆိုင်ရာတာဝန်ရှိများ ထွက်ပေါ်လာခဲ့ပြီး ၎င်းတို့၏ ပုံမှန်တရားဝင်ပုံစံကိုပင် ချိုးဖျက်ခဲ့သည်။ ယင်းအစား “သူ့ခန္ဓာကိုယ်အချိုးအစားသည် ပရော်ဖက်ရှင်နယ် မော်ဒယ်တစ်ယောက်ကဲ့သို့ဖြစ်သည်” နှင့် “သူသည် ယဉ်ကျေးပျူငှာပြီး ပြေပြစ်သော လူငယ်တစ်ယောက်ဖြစ်သည်” ဟု အကြိမ်ပေါင်းများစွာ ချီးကျူးခဲ့သည်။

ရှယွီ နဂိုက ဖျက်ခိုင်းထားတဲ့ ချစ်စရာကောင်းတဲ့ hot search မှတ်ချက်တွေက ထိပ်ဆုံးနေရာမှာ ပြန်ပေါ်လာခဲ့ပြီး၊ ပိုပြီး အံ့အားသင့်စရာကောင်းတာကတော့ အဲ့ဒီနောက်မှာ ရှယွီရဲ့ မကောင်းသတင်းနဲ့ ပတ်သက်တဲ့ hot search တွေ တစ်တန်းကြီး ပါလာတာပါပဲ။

#ရှယွီ ၏ မကောင်းသော အမှိုက်ပူပူရှာဖွေမှုများ၊ သက်သေအထောက်အထားများနှင့် မကောင်းကြံသောသတင်းများ #
#ရှယွီ ၏ သူတော်ကောင်းရုပ် ပြိုလဲသွားကာ ရေပန်းစားနေသည့် လူငယ်အနုပညာရှင်ကို မနာလိုဖြစ်နေသည်#
#ရှယွီ ၊ ဒီလောက်ရက်စက်တဲ့ လူသားတစ်ယောက်လား #

. . . . . .

ကျောက်ခဲတစ်လုံးသည် လှိုင်းပေါင်း တစ်ထောင်ကို နှိုးဆော်ဖြစ်ပေါ်စေသည်။ အကယ်၍ ခုနက ရှရှင်းချီ ကို ထိမှန်ခဲ့တာက လက်ပစ်ဗုံးဆိုရင် မကောင်းသော အင်အားစုများကို တန်ပြန်တိုက်ခိုက်လိုက်တာက အဏုမြူဗုံးပင်ဖြစ်သည်။

ရှရှင်းချီ အချိန်အတော်ကြာ ကြောင်အနေခဲ့သည်။ hot searchအား အချိန်အတော်ကြာကြည့်နေခဲ့ပြီး ရှယွီက black search အမျိုးမျိုး၌ အထားခံနေရကြောင်း နောက်ဆုံးတော့ အတည်ပြုနိုင်ခဲ့သည်။

(T/N: black search မကောင်းကြောင်းဖြင့် ရှာဖွေခံရခြင်း)

နောက်ဆုံးတော့ ဒါဟာ မူရင်းဝတ္ထုရဲ့ ဘက်လိုက်ခြင်း ခံထားရတဲ့ ဇာတ်လိုက်ပဲလေ။ သူက ဇာတ်သိမ်းအထိ မကောင်းမှုတွေကို ပျော်ပျော်ကြီး လုပ်ခဲ့တုန်းကတောင် တစ်ခါမှ ဒီလို ကြိမ်းမောင်းပြစ်တင်မခံခဲ့ရဘူး။

ဒါကို ဘယ်တုန်းကမှ မမျှော်လင့်ထားသည်မှာ ရှရှင်းချီ တစ် ယောက်တည်း မဟုတ်။ ဖရဲသီးစားတဲ့ ဘဝမျိုးစုံက အင်တာနက်သုံးစွဲသူတွေကတောင် ဒီလောက်ကြီး လတ်ဆတ် ပူနွေးပြီး ဒီလို မျက်နှာကို ဖြတ်ခနဲ ရိုက်မှုမျိုးကို မမျှော်လင့်ထားကြပေ။

ရှယွီက အခုလေးတင် ရေညစ်တွေ ပက်ဖြန်းဖို့အတွက် black searchတွေနဲ့ ရေတပ်တွေ ဝယ်ပြီးသွားတာဖြစ်သည်။ သို့သော် နာရီဝက်တောင်မရှိသေးခင်မှာပဲ၎င်းက သူ့အတွင်းခံ သူဖော်ပြသွားသကဲ့သို့ ဖြစ်သွားသည်။

ရှရှင်းချီရဲ့ hot search ကို ဖျက်လိုဖျက်ဆီးလုပ်ကာ ဖြုတ်ချဖို့လုပ်သော အပြုအမူမှာ တိုက်ရိုက် အဖော်ခံလိုက်ရ၏။ အပြစ်ရှာခြင်း၊ black search ဝယ်ခြင်းနှင့် ရေတပ်ဝယ်ခြင်းတို့အား screenshot သက်သေတကွဖြင့် ပါသည်။

Marketing account ပေါင်းစုံတို့ကတောင် စုပေါင်းလျက် ဘက်ပြောင်းပါကုန်ကြ၏။ မူလ ရှရှင်းချီ ရဲ့ အတင်းအဖျင်းများအား ပြန်ရုတ်သိမ်းကြကာ ရှယွီနှင့် သူတို့ အရင်က ငွေလွှဲမှတ်တမ်းများအား ချပြကြသည်။

“ဒါကို ချက်ချင်း postတင်လိုက်!” နှင့် “မြန် မြန် လုပ်စမ်းပါ အချိန်မဖြုန်းနဲ့” အစသဖြင့် ရှယွီ၏ ဆိုးရွားသော သဘောထားများအား သူတို့ ပြခဲ့လေ၏။ သူ့ chat record အားလုံးတို့မှာ ထုတ်ဖော်ခံခဲ့ရသည်။

သူဖန်တီးယူထားခဲ့သည့် ချမ်းသာပြီး ချစ်စရာကောင်းသော သခင်ငယ်လေး ဇာတ်ကောင်ပုံစံမှာ နေရာအနှံ့ အစိတ်စိတ်အမြွှာမြွာ ကွဲထွက်ကုန်၏။

[အာ၊ ငါ့အမြင်ကတော့ ငါတို့ ဒါကို ရောချလိုက်လို့လည်းမရဘူး။ ကုမ္ပဏီကိုလည်း အပြစ်တင်လို့မရဘူး။ တင်း~ အရူးကဒ်တဲ့လေ!”]

[သူစိတ်ပူနေတာ၊ သူစိတ်ပူနေတာပဲ၊ ရှရှင်းချီက သူ့ထက် ကြော်ငြာရော အင်အားရော ချောတာရော ချစ်ဖို့ကောင်းတာရော သူ့ထက်သာနေတာ! ရှယွီ စိတ်ပူနေပြီ!]

[အဲ့တော့ “ဖြူစင်သူ ကလေးလေး” ရှယွီက brandရဲ့ ရာသီstyle အသစ်လေးအတွက်နဲ့ ရှရှင်းချီဖို့ black searchတွေ အများကြီး ဝယ်ခဲ့တယ်ပေါ့လေ?]

[ဆိုးရွားလွန်းလိုက်တာ၊ သူ ရူးများ ရူးနေတာလား?]

[ရယ်ရတာ သေတော့မယ်၊ သူဘယ်လောက်တော်လဲ ကြည့်စမ်းပါဦး။ သူ ရေတပ်တွေကနေ ဦးဆောင်ပြီး ယုတ်မာတဲ့အရာတွေ အများကြီး လုပ်ခဲ့ပြီးလောက်ပြီ။]

[ဒီလောက် မနာလိုဖြစ်တတ်ပြီး အနိုင်လိုချင်တဲ့စိတ်ဓာတ်နဲ့။ ဦးနှောက်မရှိတဲ့ fanတွေရေ “အနုပညာလောကထဲ ဝင်တာက ဒီတိုင်း ဆော့တာပါပဲ” ဆိုပြီး တစ်နေကုန် ကြွားမနေနဲ့။ ဒီ ဇာတ်ကောင်ပုံ ပျက်စီးသွားပြီ။ ရွံဖို့ ကောင်းလိုက်တာ”

[အဲ့လူချောလေးက “နောက်ဆုံးတော့ ရောက်လာပြီ” လို့ ကော်ဇောနီပေါ် ဘယ်လိုပြောခဲ့လဲမှတ်မိလား။ ငါ အခုလေးတင်သိလိုက်ရတာ သူတို့ကို စီမံခန့်ခွဲတဲ့ကုမ္ပဏီကအတူတူပဲတဲ့ Dingming Entertainment လေ!]

[အေး ရှယွီကို သူတို့ရဲ့ “နံပါတ်တစ် အမျိုးသား စတား” အဖြစ် သိကြတာမဟုတ်ဘူးလား။ ဒီကျော်ကြားတဲ့ celebrity က ဆမ်းသင်းတော့ ဆမ်းသင်းပဲ။ သူ လူသစ်လေးတွေကို မနာလိုလို့များ လိုက်ဖိနေတာလား။]

[@Dingming Entertainment သေချင် ယောင်ဆောင်မနေနဲ့လေ။ ဒီကိစ္စအတွက် ငါတို့ကို ဖြေရှင်းချက် မပေးတော့ဘူးလား။]

အကြောင်း နှင့် အကျိုးက ချက်ချင်း ရှင်းလင်းလာကာ သူတို့ရဲ့ တိုက်ပွဲ စွမ်းပကားနဲ့ အရူးအမူးဖြစ်ခြင်းကြောင့် နာမည်ကြီးကြတဲ့ ရှယွီ fanတွေတောင်မှ ခိုင်မာလွန်းတဲ့ သက်သေတွေကို တွေ့လိုက်ရသောအခါ ပြောစရာပျောက်ရှသွားခဲ့ကြလေသည်။

အကြာကြီးအောင့်ထားပြီးနောက်မှာတော့ သူတို့ ဒါကိုသာထပ်ပြောနိုင်၏ : “ဒါ ဖိုတိုရှော့ထားတာပဲဖြစ်ရမယ်၊ သူ မှားပြီး စွပ်စွဲခံနေရတာ!”

ပြီးတော့ သူတို့ စာတစ်ကြောင်းတည်းဖြင့် ပြင်းထန်စွာ ဆုံးမခံလိုက်ရသည် “တကယ်သာ မှားပြီးစွပ်စွဲတာဆိုရင် သူ ဘာလို့ ရှေ့နေကတစ်ဆင့် စာပို့ပြီး အသရေဖျက်မှုနဲ့ တရားမစွဲတာလဲ”

အဲ့ဘက်က အပိုင်းပိုင်း ဆုတ်ဖြဲခံရသည်နှင့် ရှရှင်းချီရဲ့ fanတို့မှာ စတင် တိုးပွါးလာပြန်၏ :

[ညီငယ်လေးက ဘယ်မလဲ။ သူ အခုလေးတင်ထွက်သွားပြီး ပြန်မလာဘူးလား]

[ကလေးလေး ရှင်းချီရယ် ဖက်ပေးမယ် ဖက်ပေးမယ်။ တစ်ချိန်လုံး အနိုင်ကျင့်ခံရတာ သနားစရာကောင်းလွန်းတယ်။ အဲ့ black searchတွေ အကုန်လုံးက အတုတွေပဲ၊ ငါတို့ နင့်ကို မဆူပါဘူး။]

[ပြန်လာပါဦး ပြန်လာပါဦး ငါဒီလူချောလေးကို ဝအောင်မကြည့်ရသေးဘူး။]

[Hahahaha သူ ဘူဖေးသွားစားတယ်လို့ ငါပြားငါးဆယ်လောင်းရဲတယ်၊ ဒီကလေးက သေလောက်အောင်ဗိုက်ဆာနေတာ သူ့ကိုကောင်းကောင်းပေးစားလိုက်ကြပါဟယ်]

သူ အခုလေးတင် ဘယ်လောက်တုံးမှန်း သိသွားခဲ့ကာ ရှရှင်းချီ နောက်ဆုံးတော့ ပြန်ရယ်နိုင်ခဲ့ပြီ –

တကယ်တော့ သူ မကောင်းသောစကားများ အပြောခံသည်နှင့် ပတ်သက်ပြီး အနည်းငယ်စိတ်မကောင်းဖြစ်နေခဲ့၏၊ သို့သော် အဲ့ဒါတွေက အကုန် အတုတွေပဲလေ။

လူတိုင်းရဲ့ အချစ်ကတော့ အစစ်ဖြစ်၏။ ရှယွီ fan များက ပြန်လည်မသင့်မြတ်သော်လည်း နေရာအနှံ့ရှာပြီးတဲ့နောက်ကို hot search ဝယ်ထားသည့် marketing ခြေရာလက်ရာများအား မတွေ့ရချေ။ ရှရှင်းချီက လူအုပ်ကြီး၏ စိတ်အားထက်သန်မှုကို အမှီပြုပြီး အထက်သို့ နည်းနည်း နည်းနည်း တက်လှမ်းနေခဲ့သည်။

ဤအချိန်၌ လင်းမုန့်ကလည်း message တစ်ခု ပို့လိုက်သည် : “အခွင့်အရေးကောင်းပဲ! စီးပွါးရေးအတွက် အချိန်မီလေး၊ နင့်weiboမှာ update မဖြစ်တာ လဝက်လောက်ရှိပြီ။

ရှရှင်းချီ သူ့ခေါင်းအား စောင်းလိုက်သည်။ “စီးပွါးရေး” ဆိုသည့် စကားလုံးအား တွေ့လိုက်ရချိန် သူ မသိစိတ်က လီချန်ယွမ်အား ရှာချင်မိသွား၏။ သုံးစက္ကန့်လောက် ရပ်နေပြီးခါမှ သူ့အား လင်းမုန့်က Weiboပေါ် post တင်ခိုင်းသည်ကို ဆိုလိုမှန်း သဘောပေါက်သွားခဲ့သည်။

သူတွေ့လိုက်ရသည်မှာ လူတိုင်းက သူ့ပုံအကြည်တို့အား ပွက်ပွက်ညံအောင် တောင်းဆိုနေကြကာ သူအစားစားပြီးပြီလား မစားရသေးဘူးလား အလွန်စိတ်ပူနေကြ၏။

ရှရှင်းချီ အဲ့အကြောင်းတွေးကာ selfieပုံ အရင်ဆုံးရိုက်ရန် ကြိုးစားလိုက်သည်။ အဲ့နောက် သူ ခုနလေးက ရိုက်ထားသည့် လီချန်ယွမ် ခွာပေးထားသော ဂဏန်းသားနှင့်တကွ စားစရာမျိုးစုံတို့အား အတူ တင်လိုက်၏။

[အလယ်မှာ selfieလေးတစ်ပုံနဲ့ ပတ်ပတ်လည် ရှစ်ပုံက အကုန် အစားအသောက်ပုံတွေချည်းပဲ? ဘယ်လိုတောင် Foodieလဲ ah hahaha]

[သူ့selfie skillက သိပ်မကောင်းပေမယ့် သူက ချောမောပြီး အကြောက်တရားကင်းတယ်! ဒီလူချောလေးရဲ့ပုံတွေ ထပ်မြင်ချင်မိတယ်!]

[Fuck! ဒီညနေခင်းကြီး အရသာရှိတဲ့အစားအသောက်တွေ အများကြီးရှိနေတာပဲ ငါဗိုက်ဆာတယ် ငါဗိုက်ဆာတယ်]

[ဂဏန်းက အသေချာခွါခံထားရတာပဲ။ ငါ့ရဲ့ရှားလော့ဟုမ်းအတွေ့အကြုံအရ အဲ့ဒါတွေကို ကိုယ့်ဘာသာ အခွံခွါပြီး စားရင် ဒီလောက် ဂဏန်းသားတွေ အများကြီး ပုံနိုင်မှာမဟုတ်ဘူး!]

[ကြင်နာသနားတတ်တဲ့ သူတစ်ယောက်ယောက်ကများ ရှရှင်းချီကို ကူခွါပေးတာ ဖြစ်နိုင်လောက်လား Hehehehe]

[ဒီselfieရိုက်နည်း Hmmmm ဘယ်သူများ ရှရှင်းချီကို လာကယ်မလဲနော်? Camera angleက အရမ်းထူးဆန်းနေတယ်။ ကံကောင်းလို့ သူကကြည့်ကောင်းနေပြီး ကွယ်နေတဲ့နေရာမရှိဘူး။]

Chapter 40 end