Little Creampie:
Arc9 Ch2

အခန်းထဲမှ ထွက်ပေါ်လာသည့် နက်ရှိုင်းကာ တည်ငြိမ်သော အသံသည် ဆွဲဆောင်မှုရှိကာ ပရော်ဖက်ရှင်နယ်ကျမှုတို့ကို သယ်ဆောင်ထားသောကြောင့် စကားပြောနေသူ၏ စရိုက်ကို ခွဲခြားရန် လွယ်ကူစေ၏။

ထန်ထန်သည် တံခါးကို တွန်းဖွင့်ပြီး ဝင်လိုက်သောအခါ ထိုလူနှင့် မျက်လုံးချင်းဆုံသွားသည်။ တစ်ဦးနှင့်တစ်ဦး  မြင်သွားသောအခါ နှစ်ဦးစလုံး ခဏတာ အံ့အားသင့်သွားသော်လည်း ခဏအကြာတွင်  တည်ငြိမ်မှု ပြန်လည်ရရှိသွား၏။

အစည်းအဝေးခန်းသည် သေးငယ်သည်။ ကိုယ်ရေးရာဇဝင်အကျဉ်းများကို အနက်ရောင်ရုံးစားပွဲပေါ်တွင် သေသပ်စွာ ချထား၏။ ပထမအဆင့် အင်တာဗျူးများ ပြီးဆုံးပြီးနောက် ဤအစည်းအဝေးသည် ဥက္ကဋ္ဌနှင့် တစ်ဦးချင်းတွေ့ဆုံမေးမြန်းခြင်း ဖြစ်သည်။ ထိုင်နေသော လူသည် ထန်ထန်ကို ထိုင်ရန် လက်အမူအရာဖြင့် ပြောလိုက်သည်။

သူ၏ မျက်ခုံးများသည် ထူထဲပြီး တည်ကြည်သော အရိပ်အယောင် ရှိ၏။ တောင့်တင်းသော ကိုယ်လုံးသည် အနက်ရောင်အင်္ကျီနှင့်  ဘောင်းဘီတို့ဖြင့် ဖုံးလွှမ်းထားပြီး  ရင့်ကျက်သော ယောက်ျားပီသမှုကို ထုတ်လွှတ်နေသည်။

ထန်ထန် ထိုင်ခုံတွင် ဝင်ထိုင်သောအခါ ဟော်ထင်ချန်သည် သူ့ကို တိတ်တဆိတ် စောင့်ကြည့်နေ၏။ ထိုဝင်လာသောလူငယ်သည် ပုံမှန်ရုံးတက် suit ကို ဝတ်ဆင်ထားပြီး ဆွဲဆောင်မှုရှိသော ကိုယ်လုံးသည်  ပို၍ ထင်ရှားစွာပေါ်လွင်နေသည်။ သူ၏ ရုပ်ရည်သွင်ပြင်သည် ခန့်ညားပြီး သိမ်မွေ့သောကြောင့်  ဆွဲဆောင်မှုရှိကာ သက်တောင့်သက်သာ ခံစားမှုကို ပေး၏။

ဟော်ထင်ချန်၏ မျက်တောင်များ လှုပ်ရှားသွားပြီး စားပွဲမှ သက်ဆိုင်ရာ ကိုယ်ရေးရာဇဝင်အကျဉ်းကို ယူကာ ဂရုတစိုက် လေ့လာနေသည်။ ထိုအထဲတွင် ထန်ထန်သည် Slundtတက္ကသိုလ်မှ မဟာဘွဲ့နှစ်ခု ရရှိထားပြီး ကျောင်းအုပ်ကြီး၏ လက်ထောက်အဖြစ် လုပ်ကိုင်ခဲ့ကာ အလုပ်သင်ကာလအတွင်း ပြည်ပမှ နာမည်ကြီး ကုမ္ပဏီများ၏ အသိအမှတ်ပြုမှုကို ရရှိခဲ့ကြောင်း ဖော်ပြထား၏။ သူသည် ကိုယ်ရေးရာဇဝင်အကျဉ်းကို ချထားပြီး တည်ငြိမ်သော ထိုလူငယ်ကို အနည်းငယ် ပြုံးကာ ကြည့်ပြီး “အထင်ကြီးစရာ နောက်ခံအကြောင်းအရာပဲ” ဟု ပြောလိုက်၏။

ထန်ထန်၏  တည်ကြည်စွာ ပြုံးနေဆဲပင်။ စီးပွားရေးလောကတွင် နာမည်ကြီးသော ပုဂ္ဂိုလ်တစ်ဦးက အသိအမှတ်ပြုခံရသော်လည်း သူသည် မောက်မာခြင်း မရှိခဲ့ပေ။ သူသည် နှိမ့်ချစွာ “ကျေးဇူးတင်ပါတယ် ဥက္ကဋ္ဌကြီး ” ဟု ပြန်ပြောလိုက်သည်။

ဟော်ထင်ချန်သည် IT လုပ်ငန်းအကြောင်း မေးခွန်းအချို့ မေးမြန်းခဲ့ပြီး ထန်ထန်သည်  အပြစ်အဆိုဖွယ်မရှိအောင် ဖြေကြားခဲ့၏။ အံ့သြစရာကောင်းသည်မှာ သူ၏ အကြံဥာဏ်အချို့သည် ဟော်ထင်ချန်၏ အကြံဥာဏ်များနှင့် တိုက်ဆိုင်နေခြင်းပင်။ ဤအရာသည် အလွန်အံ့အားသင့်စရာကောင်း၏။ ခဏအကြာ စကားပြောပြီးနောက် အင်တာဗျူးသည်   ပြီးဆုံးသွားခဲ့သည်။

“ဥက္ကဋ္ဌ ဟော်၊ ခင်ဗျားနဲ့ စကားပြောရတာ တကယ်ကို ဂုဏ်ယူစရာပါ” ထန်ထန်သည် ညင်သာစွာ ပြုံးလိုက်၏။ “ဒါပေမဲ့ အချိန်က နောက်ကျနေပြီ၊ နောက်ထပ် ဖြေဆိုမယ့်သူတွေက ခင်ဗျားရဲ့ အင်တာဗျူးကို စောင့်နေကြတယ်”

ဤစကားကို ကြားသောအခါ ဟော်ထင်ချန်သည် နာရီကို ကြည့်လိုက်ပြီး သူတို့ စကားပြောနေသည်မှာ ဆယ်မိနစ်ကျော်ကြာပြီဖြစ်ကြောင်း သိလိုက်၏။ သူသည် ညင်သာစွာ ရယ်မောလိုက်ပြီး နွေးထွေးသောအကြည့်များဖြင့် ထိုလူငယ်ကို ကြည့်ကာ “ကောင်းပြီလေ၊ နောက်တစ်ခါ ပြန်တွေ့ကြတာပေါ့” ဟု ပြောလိုက်သည်။

ထန်ထန်သည် မတ်တပ်ရပ်ကာ သူ့ကို ဦးညွှတ်ပြီး ရုံးခန်းမှ ထွက်သွား၏။

ဟော်ထင်ချန်သည် ရုံးစားပွဲနောက်တွင် ထိုင်ကာ ထိုလူငယ်၏ တည်ကြည်သော ပုံရိပ်ကို တံခါးပိတ်သွားသည်အထိ စောင့်ကြည့်နေသည်။

ကုမ္ပဏီမှ ထွက်လာပြီးနောက် ထန်ထန်သည် အနီးရှိ ကော်ဖီဆိုင်သို့ သွားကာ ဘလူးမောင်တိန် ကော်ဖီ နှစ်ခွက်မှာလိုက်၏။ ထိုအချိန်တွင် တံခါးတွင်ချိတ်ဆွဲထားသော ခေါင်းလောင်းသံ ကြားလိုက်ရပြီး စောစော အလုပ်ပြီးသွားသော ထန်ကျုံးသည် ကော်ဖီဆိုင်ထဲသို့ လျှောက်ဝင်လာသည်။

ထန်ထန်သည် ခေါင်းကို မော့ကာ ဆံပင်ဖြူများရှိသော အသက်ကြီးကြီးလူတစ်ဦးကို ကြည့်လိုက်၏။ ရုတ်တရက် မိဘမဲ့ဂေဟာတွင် နေထိုင်ခဲ့စဉ်က အမှတ်တရများ ပြန်လည်ပေါ်လာသည်။ ကလေးအားလုံးသည် အသက်လတ်ပိုင်းအရွယ် လူတစ်ဦးကို ဝိုင်းရံနေကြသည်။ တည်ကြည်သော မျက်နှာထားရှိသော်လည်း ထိုလူသည် ထန်ထန်၏ လက်ဖဝါးပေါ်တွင် သကြားလုံးတစ်လုံး တင်ပေးကာ “မင်း ငါ့သားဖြစ်ချင်လား?” ဟု မေးလိုက်သည်။

“အဖေ”
ထန်ထန်သည် မတ်တပ်ရပ်ကာ သူ့ကို အရွယ်ရောက်သည်အထိ ပြုစုပျိုးထောင်ခဲ့သော ထိုလူအတွက် ကုလားထိုင်ကို ဆွဲထုတ်ပေးပြီး လေးစားစွာ နှုတ်ဆက်လိုက်၏။

ထန်ကျုံးသည် ထိုင်လိုက်ပြီး  အရွယ်ရောက်နေပြီဖြစ်သော မွေးစားသားကို ကျေနပ်မှုအပြည့်ဖြင့် စေ့စေ့စပ်စပ် ကြည့်ရှုကာ “မင်းကို နောက်ဆုံးတွေ့ခဲ့တာ နှစ်အနည်းငယ်တောင် ကြာပြီ” ဟု ပြောလိုက်ပြီး စားပွဲထိုးယူလာသော ကော်ဖီကို တစ်ငုံသောက်လိုက်၏။ သူသည် အတိတ်ကို ပြန်ပြောင်းပြောပြသည်၊။

“ဟော်မိသားစုရဲ့ အရင်ခေါင်းဆောင်နဲ့ သူ့မိန်းမ လေယာဉ်ပျက်ကျပြီး သေဆုံးသွားတဲ့အချိန်ကစပြီး အသက်မပြည့်သေးလို့ ကုမ္ပဏီကို အမွေဆက်ခံခွင့် မရတဲ့ သခင်ငယ်လေးက ဘုတ်အဖွဲ့ရဲ့ ဖိနှိပ်မှုနဲ့ အဖျက်အမှောင့်လုပ်ရပ်တွေကို ရင်ဆိုင်ခဲ့ရတယ်။ အဲ့ဒီနောက်ကွယ်မှာ အများကြီးရှိတယ်၊ မင်းကို ပညာသင်ဖို့ ပြည်ပကို ပို့တဲ့အချိန်မှာ ငါ ဘာလို့ ကလေးမွေးစားဖို့

မိဘမဲ့ဂေဟာကို အစပိုင်းမှာ သွားခဲ့တာလဲဆိုတာ မင်းကို ပြောခဲ့ပြီးသား”

ထန်ထန်သည် တိတ်တဆိတ် နားထောင်ပြီး “နားလည်ပါတယ်” ဟု ပြန်ပြောလိုက်၏။

အရင် ဟော်မိသားစုခေါင်းဆောင်နဲ့ သူ့မိန်းမတို့ရဲ့ အသက်ကို ယူသွားတဲ့ လေယာဉ်ပျက်ကျမှုဟာ မတော်တဆမှု မဟုတ်ပေ။ အဆောက်အဦးဟာ ပြိုကျလုနီးပါးဖြစ်ပြီး ဆယ်ကျော်သက် ဟော်ထင်ချန်နဲ့ သူ့ရဲ့ ယုံကြည်ရတဲ့ ထန်ကျုံးတို့ကိုသာ ချန်ထားခဲ့သည်။ အဲ့ဒီနှစ်မှာပဲ ထန်ကျုံးဟာ မိဘမဲ့ဂေဟာက ထန်ထန်ကို မွေးစားပြီး အကောင်းဆုံး ပညာရေးအတွက် ပြည်ပကို ပို့ခဲ့၏။ ကလေးတစ်ဦးကို မွေးစားခဲ့ခြင်းမှာ သူသေဆုံးပြီးနောက် သခင်ငယ်လေး ယုံကြည်အားထားနိုင်သူ မရှိမည်ကို စိုးရိမ်သောကြောင့်ဖြစ်ကြောင်း ပြောခဲ့သည်။ သူသည် ဟော်မိသားစုကို ကျေးဇူးတင်ရှိပြီး ထန်ထန်သည် သူ့ကို ကျေးဇူးတင်ရှိ၏။ မည်သူမျှ အကြောင်းပြချက်မရှိဘဲ သင့်ကို ကောင်းကောင်းမွန်မွန် ဆက်ဆံမည်မဟုတ်ပေ။

ထိုနှစ်တွင် ထန်ထန်သည် ပညာသင်ရန် ပြည်ပသို့ သွားကာ မိမိကိုယ်ကို တိုးတက်စေရန် ကြိုးစားခဲ့သည်။ တစ်ချိန်တည်းတွင် သခင်ငယ်လေး ဟော်ထင်ချန်သည် အရွယ်ရောက်လာသည်အထိ အမျိုးမျိုးသော အခက်အခဲများကို ကြုံတွေ့ခဲ့ရပြီး အရွယ်ရောက်သောအခါ အသစ်ခန့်အပ်ခံရသော ဝံပုလွေဘုရင်သည် သူ၏ အစွယ်များကို ထုတ်ဖော်ကာ ရာထူးကြီးသော ပုဂ္ဂိုလ်များကို လျင်မြန်စွာ ထောင်ချခဲ့၏။

“ဟော်ထင်ချန်” ဟူသော စကားလုံးသုံးလုံးသည် စီးပွားရေးလောကတွင် နာမည်ကျော်ကြားလာခဲ့သည်။ ဥက္ကဋ္ဌဖြစ်လာပြီးနောက် သူ၏ နည်းလမ်းများသည် အားကောင်းပြီး ရက်စက်၏။ ဟော်ကော်ပိုရေးရှင်း၏ ပိုင်ဆိုင်မှုများသည် နှစ်ဆတိုးလာပြီး သူ၏ လွှမ်းမိုးမှုကို တည်ဆောက်ခဲ့သည်။

ထန်ထန်သည် ထန်ကျုံးအား မသမာသော ရည်ရွယ်ချက်ဖြင့် သူ့ကို မွေးစားခဲ့သည်ဟု အပြစ်မတင်ခဲ့ပေ၊ အဘယ်ကြောင့်ဆိုသော် နှစ်များတစ်လျှောက် သူပြခဲ့သော စေတနာသည် စစ်မှန်ခဲ့သောကြောင့်ပင်။ သူရရှိခဲ့သော ပညာရေးသည် အမှန်တကယ်ဖြစ်ပြီး ထိုမျှလောက်ဆို လုံလောက်၏။ ထို့ပြင် သူ၏ မွေးစားဖခင်အပေါ်ရှိ ကျေးဇူးကြွေးသည် အလွန်ကြီးမားသောကြောင့် သူသည် သူ၏ ဇာတိမြေသို့ ပြန်ရန် ပြတ်ပြတ်သားသား ရွေးချယ်ခဲ့ခြင်းပင်။

ထန်ကျုံးသည်  သူ၏ ကျေနပ်မှု သက်ပြင်းချ၍ကို ဖော်ပြခဲ့သည်။ ကော်ဖီဆိုင်တွင် သူသည် ဟော်ထထင်ချန်၏ နှစ်သက်မှုများကို အသေးစိတ်ပြောပြခဲ့၏။ ထန်ထန်အား လက်ထောက်နှင့် အိမ်ထိန်း၏ အခန်းကဏ္ဍများကို တာဝန်ယူစေလိုသော အကြံဥာဏ်ကို ဆွေးနွေးပြီးနောက် ထန်ကျုံးသည် သူသည်အသက်ကြီးနေပြီဖြစ်ပြီး  ဇာတိမြေ၏ အလှအပကို သွားရောက်လေ့လာလိုကြောင်း ထုတ်ဖော်ပြောကြားခဲ့၏။

ထန်ထန်သည် သူ၏ မွေးစားဖခင် ပြောသော ထုတ်ပြောသောစကားများနှင့် ထုတ်၍မပြောသော အရာများကို နားလည်ကာ တိတ်တဆိတ် နားထောင်နေသည်။ ဥက္ကဋ္ဌဟော်သည် သူ့ကို အတော်လေး ကျေနပ်ပုံရပြီး မျှော်လင့်ထားသည့်အတိုင်း သူသည် ထိုလူ၏ အကဲဖြတ်မှုကို အောင်မြင်ခဲ့၏။

မျှော်လင့်ထားသည့်အတိုင်း ညနေတွင် အိမ်ပြန်ရောက်သောအခါ ထန်ထန်သည် ဟော်ကော်ပိုရေးရှင်းမှ ဖိတ်ကြားလွှာတစ်ခု ရရှိခဲ့သည်။ နောက်တစ်နေ့တွင် သူသည် ကုမ္ပဏီသို့ သွားခဲ့၏။ ထန်ကျုံးသည် ခရီးမထွက်မီ နှစ်ရက်ကြာ သူနှင့် အဖွဲ့သားများ ရင်းနှီးလာစေရန် ကူညီပေးခဲ့သည်။ ထန်ထန်သည် သူ၏ မွေးစားဖခင်၏ ရာထူးကို ချောမွေ့စွာ လွှဲပြောင်းယူခဲ့၏။

…….

မနက်၈း၀၀ နာရီ၊ ဟိုတယ်တွင်

ဟော်ထင်ချန်သည် ထကာ ရေချိုးဝတ်ရုံကို ဝတ်ဆင်ပြီး ဖုန်းကိုအသုံးပြု၍သူ၏လက်ထောက်ထံမှ အဝတ်အစားများ တောင်းလိုက်ပြီးနောက် လန်းဆန်းရန် ရေချိုးဖို့သို့ သွားခဲ့သည်။ ပြန်ထွက်လာသောအခါ အဝတ်အစားစင်ပေါ်တွင် သေသပ်စွာ ချိတ်ထားသော ဝတ်စုံတစ်စုံကို တွေ့လိုက်ရပြီး ဧည့်ခန်းထဲတွင် လက်ထောက်က နံနက်စာ ပြင်ဆင်နေပုံရသော အသံများ ကြားနေရ၏။

ထန်ထန်သည် အနက်ရောင် ပိုးသားကုတ်အင်္ကျီ၊ ဘောင်းဘီ၊ ဒေါင်လိုက်အစင်းကြောင်းပါသော နက်ပြာရောင် အင်္ကျီနှင့် ငွေဖြူရောင် နက်တိုင်ကို  ဝတ်ဆင်ထားသည်။ ခါးပတ်အလယ်ရှိ သတ္တုကွင်းသည်  အလင်းရောင်ဖြင့် တောက်ပနေပြီး သူ၏ အီတလီလုပ် အကောင်းဆုံး  သားရေဖိနပ်များသည် ဟော်ထင်ချန်၏ စတိုင်နှင့် လုံးဝကိုက်ညီနေ၏။

ရေချိုးပြီးခါစတွင် ဟော်ထင်ချန်သည် အမြဲ နောက်သို့ သပ်တင်ထားသော ဆံပင်များကို ချထားကာ လျှောက်လာခဲ့သည်။  သူသည် အတွင်းခံဘောင်းဘီကို ဝတ်ဆင်ရန် ပြင်ဆင်နေစဉ် တစ်ခုခု မှားနေသည်ဟု ခံစားလိုက်ရသည်။

“ဦးလေးထန်ကျုံး၊ ဒီအတွင်းခံဘောင်းဘီက အရွယ်အစား သေးလွန်းနေတယ်”

တံခါးအပြင်ဘက်တွင် မည်သည့် လှုပ်ရှားမှုမျှ မရှိသောကြောင့် ဟော်ထင်ချန်၏ နဖူးကြုတ်သွား၏။ သူ စကားပြောရန် ပြင်လိုက်စဉ် သိမ်မွေ့သော လူငယ်တစ်ဦး ဝင်လာသည်။

ဟော်ထင်ချန်သည် အတွင်းခံဘောင်းဘီကို ကိုင်ထားရင်း ကိုယ်လုံးတီးဖြင့် ထိုနေရာတွင် ရပ်နေ၏။ တံခါးသံကြားသောကြောင့် သူသည် မသိစိတ်ဖြင့် လှည့်ကြည့်လိုက်သည်။ ကောင်းမွန်စွာ ပုံဖော်ထားသော ကြွက်သားများ၊ သေသပ်စွာ စီတန်းထားသော ​ကြွက်သားရှစ်ခု၊ အောက်သို့ ဆင်းသွားသောအခါ နံနက်ခင်းတွင် အနည်းငယ် ထောင်မတ်နေသောနီညိုရောင်အရာတစ်ခု  – ထန်ထန် တံခါးဖွင့်လိုက်သောအခါ သူဌေး၏ ပေါက်ကွဲထွက်တော့မည့် ယောက်ျားပီသသော ကိုယ်လုံးသည် သူ၏ အမြင်အာရုံကို လွှမ်းမိုးသွား၏။ ထန်ထန်သည် မျက်နှာနီရဲသွားပြီး အနည်းငယ် ရှက်ရွံ့ကာ

လှည့်ထွက်သွားသည်။

“တောင်းပန်ပါတယ် ဥက္ကဋ္ဌ၊ နောက်တစ်ခါ ပိုပြီး ဂရုစိုက်ပါ့မယ်”

ထန်ကျုံး မထွက်ခွာမီ ဟော်ထင်ချန်၏ အတွင်းခံဘောင်းဘီ အရွယ်အစားမှလွဲ၍ အရာအားလုံးကို ရှင်းပြခဲ့သည်။ သူဌေးကို လွတ်လွတ်လပ်လပ် ဝတ်ဆင်စေချင်သောကြောင့် အရွယ်အစား အလွန်ကြီးမားခြင်း မရှိစေရန် ထန်ထန်သည် အရွယ်အစားအား ခန့်မှန်းရွေးချယ်ခဲ့ခြင်းပင်။ အတော်ကြာ စဉ်းစားပြီးနောက် သူသည် အတော်အသင့် ကြီးမားသော အရွယ်အစားကို ရွေးချယ်ခဲ့သည်။ သို့သော် သူသည် ဥက္ကဋ္ဌ၏ မူပိုင်ပစ္စည်းကို လျှော့တွက်ခဲ့၏။

ထန်ထန်၏ အနားကပ်လာသည်ကို မြင်သောအခါ ဟော်ထင်ချန်သည် ချက်ချင်း အကြောင်းရင်းကို နားလည်လိုက်သည်။ သူသည် ထန်ထန်၏ နီရဲနေသော နားရွက်များကို စူးစမ်းကြည့်လိုက်၏။ ထိုလူငယ်သည် သူ၏ ဝတ်စားဆင်ယင်မှုတွင် စမတ်ကျလှသည်။ သူသည် စိတ်မကောင်းစွာဖြင့် အကြည့်ကို လွှဲလိုက်ပြီး သူ၏ နက်ရှိုင်းသော အသံသည် အဆုံးမရှိသော ဆွဲဆောင်မှုကို သယ်ဆောင်လာ၏။

“နှစ်ဆိုဒ် ပိုကြီးတဲ့ တစ်ခု သွားယူလိုက်”

“ဟုတ်ကဲ့ ဥက္ကဋ္ဌ”

ထန်ထန်သည် ချက်ချင်း ပြန်ဖြေပြီး တံခါးကို ပိတ်လိုက်ပြီး အခန်းတွင်းရှိ လွှမ်းမိုးသော ယောက်ျားဟော်မုန်းများကို သီးခြားထားခဲ့သည်။ သူသည် သက်ပြင်းချကာ “ဥက္ကဋ္ဌအတွက် နှစ်ဆ ပိုကြီးတာလား?” ဟု တွေးလိုက်၏။

ဥက္ကဋ္ဌ မျှော်လင့်ထားသည့်အတိုင်း…

ထန်ထန် ရွေးချယ်ပေးသော ဝတ်စုံကို ဝတ်ဆင်ပြီး ဟော်ထင်ချန်သည် အဓိက ထိုင်ခုံတွင် ထိုင်ကာ ထန်ထန်၏ ယနေ့ အစီအစဉ်ကို နားထောင်ရင်း နံနက်စာ စားနေသည်။

“ဥက္ကဋ္ဌ၊ ဒီမနက် ကုမ္ပဏီရဲ့ ထုတ်ကုန်သစ် မိတ်ဆက်ပွဲကို တက်ရောက်ရပါမယ်။ နေ့လည် နှစ်နာရီမှာ လင်ကော်ပိုရေးရှင်းရဲ့ ဥက္ကဋ္ဌက ဂေါက်ကွင်းမှာ ပူးပေါင်းဆောင်ရွက်မှုအကြောင်း ဆွေးနွေးဖို့ ဖိတ်ကြားထားပါတယ်။ ညနေ ငါးနာရီမှာ ဟီရှင်းစွမ်းအင်နဲ့ ပတ်သက်ပြီး အစည်းအဝေးတစ်ခုရှိပြီး ညနေ ၈ နာရီမှာတော့ မစ်ချန်ရဲ့ မွေးနေ့ပွဲပါ။  မစ်ချန်က ကျောက်စိမ်းကို ကြိုက်ပြီး ဗုဒ္ဓဘာသာကို ယုံကြည်တဲ့အတွက် လက်ဆောင်က အကောင်းဆုံး ပစ္စည်းနဲ့ ထုလုပ်ထားတဲ့ ကျောက်စိမ်းကွမ်ရင်မယ်ရုပ်တုပါ။”

ဟောထင်ချန်သည် နံနက်စာ စားပြီးနောက် လက်များကို  သုတ်ကာ “ကောင်းပြီ” ဟု ပြောလိုက်၏။

နံနက်ပိုင်း ထုတ်ကုန်သစ် မိတ်ဆက်ပွဲ တက်ရောက်ပြီးနောက် ဟော်ထင်ချန်သည် စာရွက်စာတမ်းများ စစ်ဆေးရန် ရုံးခန်းသို့ ပြန်လာခဲ့သည်။ ထန်ထန်သည်လည်း ကွန်ပျူတာတွင် ဟီရှင်းစွမ်းအင်နှင့် ပတ်သက်သော ဝယ်ယူမှုအတွက် ပါဝါပွိုင့် တင်ပြချက်အား ပြင်ဆင်ကာ  အလုပ်များနေ၏။ထိုအချိန်တွင် ပူးပေါင်းဆောင်ရွက်မှုအကြောင်း ဆွေးနွေးရန် ဖုန်းဝင်လာသည်။ ထန်ထန်သည် တစ်ဖက်မှ မာနကြီးစွာ အလွန်အကျွံ ချဲ့ကားပြောဆိုနေသော  လေသံကို ကြားသောကြောင့် ဥက္ကဋ္ဌနှင့် တွေ့ဆုံရန် သူတို့၏ တောင်းဆိုမှုကို ယဉ်ကျေးစွာ  ငြင်းပယ်ခဲ့၏။

ဖုန်းချပြီးနောက် သူသည် လက်ထောက် ရုံးခန်းထဲသို့ လျှောက်ဝင်ကာ ပွင့်နေသော မှန်တံခါးကို ခေါက်လိုက်သည်။ အသံကြားသောအခါ အစီရင်ခံစာများနှင့် အလုပ်များနေသော လက်ထောက်များသည် ချက်ချင်း မော့ကြည့်ကြပြီး တစ်ဦးစီက သူတို့၏ အထက်အရာရှိကို နှုတ်ဆက်ကြသည်။ ထိုအထဲတွင် အမျိုးသားလက်ထောက်တစ်ဦး၏ အကြည့်သည်  ရှုပ်ထွေးနေပုံပင်။ ထန်ထန်သည် သတိမထားမိဟန်ဆောင်ကာ “ကျန်းရင်ကုမ္ပဏီကို ဘယ်သူ ဖုန်းဖြေတာလဲ?” ဟု မေးလိုက်သည်။

လက်ထောက်များသည် အချင်းချင်း အကြည့် ဖလှယ်လိုက်ပြီး နောက်ဆုံးတွင် ထောင့်မှာ ထိုင်နေသော ရွမ်လီထုံသည် မတ်တပ်ရပ်ကာ “ကျွန်တော် ဖြေတာပါ။ သူတို့ ဥက္ကဋ္ဌနဲ့ အစည်းအဝေး လုပ်ချင်ကြတယ်။ သူတို့ ပို့ထားတဲ့ ပူးပေါင်းဆောင်ရွက်မှု အဆိုပြုချက်အသစ်ကို ကျွန်တော် ကြည့်ပြီးပြီ။  အလားအလာကောင်းရှိတယ်” ဟု ပြောလိုက်၏။

“နောက်တစ်ခါ အဲ့ကုမ္ပဏီက ဖုန်းတွေကို မဖြေနဲ့” ထန်ထန်သည် ညွှန်ကြားရင်း ထွက်သွားလိုက်သည်။ သို့သော် မကျေနပ်သော ရွမ်လီထုံသည် သူ့ကို ပြန်ခေါ်လိုက်၏။
“လက်ထောက်ထန်၊ ကျန်းရင်ရဲ့ ပူးပေါင်းဆောင်ရွက်မှု အစီအစဉ်က အလွန်ကောင်းပါတယ်။” ရွမ်လီထုံသည် နှုတ်ခမ်းကို စူလိုက်ပြီး “ကုမ္ပဏီအတွက် အလွန်အကျိုးရှိမှာပါ။ ခင်ဗျား… ဆုံးဖြတ်ချက် မချခင် နောက်တစ်ခေါက်လောက် ပြန်ကြည့်ပါ့လား?” ဟု မေးလိုက်သည်။

လေထုသည် ရုတ်တရက် မသက်မသာဖြစ်သွား၏။ လက်ထောက်များသည် အံ့အားသင့်သော မျက်လုံးများဖြင့် အချင်းချင်း ကြည့်ကာ ဤလူသစ်သည်  တကယ်ကို ရဲတင်းသည်ဟု တွေးနေကြသည်။ သို့သော် သူတို့သည် မည်သည့် အဆိုပြုချက်ကိုမျှ မမြင်ခဲ့သောကြောင့် သူ၏စကားများအရ ကျန်းရင်တွင် အားသာချက်အချို့ ရှိပုံပင်။

လက်ထောက်ထန် မှားနေသလား၊ သို့မဟုတ် ဤလူသစ်သည် အလွန် တော်လွန်းနေသလား…

ထန်ထန်သည် စိတ်ရင်းမှန်ပုံရသော်လည်း မနာလိုတတ်သော ဇာတ်လိုက် shou ကို ကြည့်လိုက်ပြီး နောက်ထပ် တိုက်ရိုက်မေးမြန်းခြင်း မပြုတော့ဘဲ “ဟုတ်ပါတယ်၊ ကျန်းရင်ရဲ့ အစီအစဉ်က ကောင်းပါတယ်” ဟု ပြောလိုက်သည်။

ရွမ်လီထုံသည် စိတ်ထဲတွင် ဝမ်းသာမှုအနည်းငယ် ခံစားလိုက်ရသော်လည်း သူ မဖော်ပြမီ ထန်ထန်က ဆက်ပြောသည်၊ “ဒါပေမယ့် သူတို့ကုမ္ပဏီက ပစ္စည်းတွေ လျှော့သုံးပြီး  သူတို့ရဲ့ မသမာသော လုပ်ရပ်တွေက ဒီနယ်ပယ်မှာ လူသိများတယ်။ ကျန်းရင်ဥက္ကဋ္ဌရဲ့သားရဲ့ဂုဏ်သတင်းကလည်း မကောင်းဘူး။ ဒီလို လူတစ်ဦးနှင့် ပူးပေါင်းခြင်းက ချမ်းသာတဲ့ ဒုတိယမျိုးဆက် အနာဂတ်အရှုပ်တော်ပုံတွေမှာ ကုမ္ပဏီ ဂုဏ်သတင်းကို တိုက်ရိုက် ထိခိုက်စေနိုင်တယ်”

ရွမ်လီထုံ၏ မျက်နှာသည် နီတစ်လှည့် ဖြူတစ်လှည့် ပြောင်းလဲသွားပြီး သူသည် နောက်ထပ် ဘာမှ မပြောရန် ရွေးချယ်လိုက်သည်။ သူသည် သေချာစွာ မစဉ်းစားခဲ့သောကြောင့် အဆင်မပြေမှုဖြစ်စေသည်ဟု တောင်းပန်ခဲ့၏။ သူ၏ စိတ်ထားသည် ကောင်းမွန်သောကြောင့် အနည်းဆုံး သူ၏  အပြုသဘောဆောင်သော သဘောထားကို အနုတ်လက္ခဏာ ကိန်းဂဏန်းများမှ ပြန်လည်ဆွဲတင်နိုင်ခဲ့သည်။

ဇာတ်လိုက် shou ၏ လုပ်ရပ်ကို မကြည့်လိုသော ထန်ထန်သည် ရွမ်လီထုံကို ဖြေရှင်းပြီးနောက် ပါဝါပွိုင့် တင်ပြချက်ကို ပြန်လည်လုပ်ဆောင်နေခဲ့၏။

အချိန်သည် နေ့လည်စာစားချိန် နီးကပ်လာသည်ကို မြင်သောအခါ ဟော်ထင်ချန်အတွက် နေ့လည်စာမှာလိုက်သည်။ ထန်ထန်သည် ဤတစ်ကြိမ်တွင် သူရရှိခဲ့သော ဆုနှစ်ခုကို စဉ်းစားနေ၏။ တစ်ခုမှာ လုပ်ငန်းခွင်တွင် အသုံးဝင်ပြီး နောက်တစ်ခုမှာ သူ၏ အသက်ကို ကာကွယ်ခြင်းနှင့် သက်ဆိုင်သည်။

[ကော်ပိုရိတ် လက်ထောက် လေ့ကျင့်ရေးခန်း (ဟိုင်ထန်မှ ထုတ်လုပ်သည်) ရရှိခြင်းအတွက် ဂုဏ်ယူပါသည်။ ကော်ပိုရိတ် လက်ထောက်တစ်ဦး သိထားသင့်သော ကျွမ်းကျင်မှုများစွာ ပါဝင်သည်၊ သူဌေး၏ ဆန္ဒများကို မည်သို့ ကိုင်တွယ်ရမည်ကိုလည်း ပါဝင်သည်~ (မှတ်ချက်- အချိန်သည် ကွဲပြားစွာ စီးဆင်းသည်၊ ပင်ပန်းနွမ်းနယ်ခြင်းကို မဖြစ်စေပါ၊ အိပ်စက်ပြီးနောက် သင်သည် လေ့လာရန် နေရာသို့ ဝင်ရောက်နိုင်သည်၊ )

[ဟေး၊ ငါတို့ကို အမြဲတမ်း ဒုက္ခပေးဖို့ ကြိုးစားနေတဲ့ ပြဿနာရှာသူတွေ ရှိတယ်! (ဟေး၊ မင်းတို့ ငါတို့ကို မထိနိုင်ဘူး။ တကယ် မထိနိုင်ဘူး။ မကောင်းတဲ့ ရည်ရွယ်ချက်ရှိသူတွေ ကံကောင်းမှုကို မရနိုင်ဘူးနော်) ရရှိခြင်းအတွက် ဂုဏ်ယူပါတယ်]

၎င်းသည် ထူးခြားသော်လည်း ဤကမ္ဘာတွင် အတော်လေး လက်တွေ့ကျပြီး ဆင်းရဲပြီး ခံနိုင်ရည်ရှိသော ဇာတ်လိုက်သည် နောက်ဆုံးတွင် ကုမ္ပဏီကြီးတစ်ခု၏ ကြာမြင့်စွာ ပျောက်ဆုံးနေသော သားအဖြစ် ရှာဖွေတွေ့ရှိခံရမည်ပင်။

ထန်ထန်၏ မျက်လုံးများ မှေးမှိန်သွားသည်။ မူလဇာတ်လမ်းတွင် ပိုင်ဆိုင်မှုများ မရှိသော ရွမ်လီထုံသည် ဟော်ထင်ချန်၏ စုံစမ်းစစ်ဆေးမှုမှ လွတ်မြောက်နိုင်မည် မဟုတ်ပေ။ အပြစ်အားလုံးသည် သူ့အပေါ်သို့ သက်ရောက်လိမ့်မည်။

ဤတစ်ကြိမ်တွင် သူသည် မတရားစွပ်စွဲခံရမည်မဟုတ်သော်လည်း သတိထားရန် အရေးကြီး၏။ သူသည် ဤကျွမ်းကျင်မှုကို အသုံးပြုသောအခါ ထန်ထန်သည် သူ၏ ထူးခြားသော ပုံစံကို မေ့လျော့ပြီး ချက်ချင်း မိမိကိုယ်ကို အားပေးခဲ့သည်။ တစ်စုံတစ်ဦးက သူ၏ အသက်ကို ယူရန် ကြိုးစားပါက ပါဝင်သူများနှင့် နောက်ကွယ်မှ ကြိုးကိုင်သူများသည် “ကံဆိုးခြင်း” ဟူသော စကားလုံးကို မည်သို့ ပေါင်းရသည်ကိုသိသွားစေရမည်။

နေ့လည်စာစားပြီးနောက် ယာဉ်မောင်းသည် ဟော်ထင်ချန်နှင့် ထန်ထန်တို့ကို ဂေါက်ကွင်းသို့ ခေါ်သွားသည်။ သူတို့သည် အဝတ်အစားများ လဲလှယ်ပြီးနောက် ဟော်ထင်ချန်သည် ဝိုင် သောက်ရင်း အပြင်တွင် ထိုင်နေ၏။ သူ ဝိုင်တစ်ခွက် မကုန်သေးခင် လင်ရှီကော်ပိုရေးရှင်း၏ ဥက္ကဋ္ဌ လင်းဖုန်းယန်သည် လက်ထောက်တစ်ဦးနှင့် ရောက်ရှိလာသည်။ ဟော်ထင်ချန်သည် လက်ထောက်၏ မျက်နှာနီရဲနေပြီး ရှက်ရွံ့စွာ လမ်းလျှောက်နေသည်ကို သတိပြုမိကာ ဥပေက္ခာပြုလိုက်၏။

စိတ်မဝင်စားသော်လည်း သူသည် သူ့ဘေးတွင် ထိုင်နေသော စမတ်ကျပြီး တော်သော ထန်ထန်ကို ကြည့်လိုက်သည်။ ထိုလူငယ်သည် လက်တို အဖြူရောင် အင်္ကျီနှင့် အားကစားဘောင်းဘီ ဝတ်ဆင်ထားပြီး ခြေထောက်ရှည်များသည် ဘောင်းဘီနှင့် အံဝင်ခွင်ကျ ဖြစ်နေ၏။ အားကစားဖိနပ်နှင့် ဘေ့စ်ဘောဦးထုပ် ဆောင်းထားသော သူသည်  ငယ်ရွယ်ပြီး နုပျိုကာ တက်ကြွသော ကျောင်းသားတစ်ဦးနှင့် တူသည်။

သူ၏ အကြည့်ကို ခံစားမိသော ထန်ထန်သည် ခေါင်းကို မော့လိုက်သည်။ ဦးထုပ်အောက်မှ သူ၏ တောက်ပသော အနက်ရောင် မျက်လုံးများသည် ဟော်ထင်ချန်နှင့် အကြည့်ဆုံကာ  တောက်ပနေ၏။ ထိုခန့်ညားသော လူငယ်သည် သူ့ကို နူးညံ့စွာ ပြုံးပြသည်။

ဟော်ထင်ချန်၏ လည်ပင်းမှ အဖုလေးသည် လှုပ်ရှားသွားပြီး သူသည် အကြည့်ကို ပြန်ရုပ်သိမ်းကာ ခြေထောက်ရှည်များကို ချိတ်ကာ အတွင်းမှ ရုတ်တရက် တက်လာသော ဆန္ဒကို ထိန်းချုပ်လိုက်သည်။

” ဥက္ကဋ္ဌ ဟော်က အားကစားဝတ်စုံနဲ့တောင်  ဆွဲဆောင်မှုရှိနေတုန်းပဲ” လင်းဖုန်းယန်က စနောက်၏။

သူနှင့် ဟော်ထင်ချန်တို့သည် ကောလိပ်ကျောင်းသားဘဝကတည်းက သိကျွမ်းခဲ့ကြပြီး သူတို့၏ စကားပြောဆိုမှုများသည် အမြဲတမ်း ပေါ့ပေါ့ပါးပါး ရှိခဲ့သည်။ နှစ်ဦးစလုံး မကြာသေးမီက အလုပ်များနေသောကြောင့် တွေ့ဆုံရန်နှင့် ဖြစ်နိုင်ချေရှိသော ပူးပေါင်းဆောင်ရွက်မှုများအကြောင်း ဆွေးနွေးရန် ဖိတ်ကြားခြင်းသည် အလွန်ကောင်းသော အခွင့်အရေးတစ်ခု ဖြစ်ခဲ့သည်။ စနောက်ရန် ရည်ရွယ်ထားသော်လည်း ဟော်ထင်ချန်သည် အားကစားဝတ်စုံနှင့် အတော်လေး ခန့်ညားသည်မှာ အမှန်ပင်။ မင်း ဟိုတလောကမှ ခေါ်လာခဲ့တဲ့ လက်ထောက်လေးရဲ့ မျက်လုံးတွေက

မင်းစီမှာကပ်နေတာကို မြင်လား?

လင်းဖုန်းယန်သည် လျှာကို တချက်သပ်ကာ ဟော်ထင်ချန်နှင့် အခြားနှစ်ယောက်တို့သည် ဒီလိုဘဲဟု တွေးနေသည်။ သူတို့ အတူပေါ်လာသမျှ ကာလပတ်လုံး သူ လင်းဖုန်းယန်သည် အခန်းထဲတွင် အထူးအာရုံစိုက်ခံရသူ မဖြစ်နိုင်ပေ။

လင်းဖုန်းယန်သည် ခုန်ပေါက်ထွက်သွားသော်လည်း သူသည် လွယ်လွယ်ကူကူ သွားရှုပ်နိုင်သူ မဟုတ်ပေ။ ဟော်ထင်ချန် မျက်မှောင်မကြုတ်မီ လင်းဖုန်းယန်သည် ခေါင်းကို လှည့်ကာ မမှိတ်မသုန် စိုက်ကြည့်နေသော လက်ထောက်ကို သတိပေးသည့် အကြည့်ဖြင့် ကြည့်လိုက်၏။ အေးစက်သော သတိပေးချက်ကြောင့် အမျိုးသားလက်ထောက်သည် သတိဝင်လာပြီး လင်းဖုန်းယန်ကို  ချိုသာသော အပြုံးကို အလျင်အမြန် ပြုံးပြလိုက်သည်။

သူ့ကို လျစ်လျူရှုကာ လင်းဖုန်းယန်သည် သူတို့ ပြန်သောအခါ သူ့ကို အစားထိုးရန် အရင်ကတည်းက ဆုံးဖြတ်ထားပြီးဖြစ်သည်။ သူ အကြည့်ကို ပြန်ရုပ်သိမ်းလိုက်သောအခါ ဟောထင်ချန်၏ လက်ထောက်သည် သူနှင့် မရင်းနှီးကြောင်း သတိပြုမိသည်။ သူ၏ အရင်က ကော်ပိုရိတ်လက်ထောက်သည် လင်းဖုန်းယန် သိကျွမ်းသော ဟော်မိသားစု၏ အိမ်ထိန်းဟောင်းပင်။ ရုတ်တရက် ငယ်ရွယ် တက်ကြွသော လူတစ်ဦးသို့ ပြောင်းလဲသွားခြင်းသည် လင်းဖုန်းယန်အတွက် ထူးဆန်းနေ၏။

“ဟေး၊ ထင်ချန်၊ ဒါ မင်းရဲ့ လက်ထောက်အသစ်လား? ဦးလေးထန်ကျုံး ဘယ်မှာလဲ?”

လင်းဖုန်းယန်သည် ထန်ထန်ကို စိတ်ဝင်စားကြောင်း ထင်ရှားစွာ ပြသနေပြီး သူတို့နောက်က အမျိုးသားလက်ထောက်၏ မနာလိုစိတ်ကို ချက်ချင်း လှုံ့ဆော်ပေးခဲ့သည်။ သူသည် မနာလိုပြီး ဝေဖန်ပိုင်းခြားသော အကြည့်ဖြင့် ထန်ထန်ကို စေ့စေ့စပ်စပ် စစ်ဆေးခဲ့၏။

ထန်ထန်တွင် အထူးတလည် တုံ့ပြန်မှု မရှိပေ။ သူသည် ထိုအမျိုးသားလက်ထောက်ကိုပင် ပြုံးပြလိုက်သည်။ ရုတ်တရက် ဟော်ထင်ချန်သည် သူ၏ ဖန်ခွက်ကို ချပြီး ပေါ့ပေါ့ပါးပါး လေသံဖြင့် “ဦးလေးထန်ကျုံးက အသက်ကြီးနေပြီ။ ဒါက သူ့သား ထန်ထန်၊Slundtတက္ကသိုလ်က ဘွဲ့နှစ်ခု ရထားတယ်။   ငါ့ကို ကူညီဖို့ ပြည်ပကနေ ပြန်လာတာ” ဟု ပြောလိုက်၏။

လင်းဖုန်းယန်သည် ထန်ထန်၏ အထင်ကြီးစရာကောင်းသော ပညာရေးနောက်ခံနှင့် ဟော်ထင်ချန်၏ စကားများတွင် ထင်ရှားသော ကာကွယ်မှုတို့ကြောင့် အံ့အားသင့်သွားသည်။

ကောင်းပြီလေ၊ ဒါက အတော်လေး စိတ်ဝင်စားစရာပဲ။

သူတို့နောက်က အမျိုးသားလက်ထောက်သည် ပြင်းပြင်းထန်ထန် မျက်နှာနီရဲလာပြီး ရှက်ရွံ့နေသည်။ သူသည် ခေါင်းကို ငုံ့ထားပြီး နောက်ထပ် ဘာမှ မပြောရန် ရွေးချယ်လိုက်သည်။ ဟော်ထင်ချန်၏ စကားများသည် သူနှင့် ထန်ထန်ကြား ကွာခြားချက်ကို  နားလည်စေခဲ့၏။ ထန်ထန်သည် ကော်ပိုရိတ်လက်ထောက်ဖြစ်သော်လည်း သူသည် လက်ထောက်ရာထူးဖြင့် အိပ်ရာပေါ်ကအဖော်သာဖြစ်၏။

Arc 9 Ch2 end